မွတ်စ်လေမော်အူးဒ်- အနာဂတ္တိဟောကိန်း

အဟ်မဒီယာမွတ်စလင်မ်အဖွဲ့ကြီး၏ ခေါင်းဆောင်ခလီဖာ၊ ဟာဇရသ်မီရ်ဇာမဆ်ရူးရ်အဟ်မဒ်မှ ၂၀၁၄ ခုနှစ် ဖေဖေါ်ဝါရီလ ၂၁ ရက်နေ့တွင် မြွက်ကြားခဲ့သော သောကြာနေ့ မိန့်ခွန်း

 - ဖေဖော်ဝါရီလ ၂၀ ရက်၊ “မွတ်စ်လေမော်အူးဒ်နေ့”။
- “ဘုန်းတော်အနန္တအရှင်က ဤကောင်းကင်ဆိုင်ရာတန်ခိုးနိမိတ်ကို ကျွန်ုပ်တို့၏
တမန်တော်မြတ် မူဟမ္မဒ်မူစ်တဖာ(H)၏ မှန်ကန်မှု၊ ဂုဏ်ရှိန်ကြီးမြတ်မှုတို့ကို
ဖော်ကျူးရန်အလို့ငှာ ထင်ရှားစေခဲ့ခြင်းဖြစ်သည်။ စင်စစ် ဤနိမိတ်လက္ခဏာ
သည် လူသေကိုရှင်စေခြင်းထက် အဆပေါင်းများစွာ ထူးကဲသာလွန်၍ မြင့်မြတ်
ပြည့်စုံလှပေသည်။”
- “ဘဝအသက်ကို အလိုရှိသူများသည် သေခြင်းမရဏ၏အချုပ်အနှောင်မှ
ကယ်တင်ခြင်းရရှိစိမ့်သောငှာလည်းကောင်း၊ ဂူသချိုင်းများအတွင်းမြှုပ်နှံခြင်း
ခံထားရသူတို့သည် ပြင်ပသို့ထွက်မြောက်လာစေခြင်းငှာလည်းကောင်းဖြစ်၏။
အစ္စလာမ်သာသနာတော်၏ဂုဏ်ဒြပ်နှင့် အလ္လာဟ်၏မုက္ခပါဌ်တော်အဆင့်အတန်း
ကို လူတို့အပေါ်ထင်ရှားစေအံ့သောငှာလည်းကောင်း၊ သစ္စာတရားသည် အလုံးစုံ
သောသုတိမင်္ဂလာ ကောင်းချီးအဖြာဖြာတို့နှင့်တကွ ပေါ်ထွန်းရောက်ရှိလာလျက်
အမိုက်အမှားသည် အလုံးစုံသော အမင်္ဂလာများနှင့်တကွ တိမ်းရှောင်ထွက်ပြေး
သွားရစေခြင်းငှာလည်းကောင်းဖြစ်သည်။ ...သို့ဖြစ်ရာ အသင့်အတွက်
မင်္ဂလာသတင်းဖြစ်စေသော်။ ယဉ်ကျေးသိမ်မွေ့ပြီး သန့်ရှင်းမြင့်မြတ်သော
သားတော်တစ်ပါး အသင့်အား ပေးသနားခြင်းခံရပေအံ့။ စင်ကြယ်သော
အစေတော်(သားငယ်)ကိုအသင်ရရှိပေအံ့။ ထိုသားငယ်သည် အသင်၏မျိုးစေ့မှ
အသင်၏အဆက်အနွယ်မျိုးဆက်ဖြစ်ချိမ့်မည်။ ... သူသည် ဉာဏ်ပညာနှင့်
အသိတရား၌ အလွန်ထက်မြက်သူဖြစ်ပြီး စိတ်နှလုံး နူးညံ့သိမ့်မွေ့သူဖြစ်သည်။
သူ့အား ရုပ်ပိုင်း၊ နာမ်တရားပိုင်း ပညာရပ်အလုံးစုံတို့ဖြင့်ဖြည့်တင်းပေးမည်။
...” (မွတ်စ်လေမော်အူးဒ် အနာဂတ္တိဟောကိန်းမှ ကောက်နုတ်ချက်)


 တရှာဟွဒ်၊ တအာဝိုဇ်နှင့် စူရာဟ် ဖာတီဟာတို့ကို ဖတ်ရွတ်ပြီးနောက် ...
ဖေဖော်ဝါရီလ ၂၀ ရက်နေ့ဟာ အဟ်မဒီယာဂျမာအတ်မှာ မွတ်စ်လေမော်အူးဒ်
အနာဂတ္တိဟောကိန်းအရ အရေးပါတဲ့နေ့တစ်နေ့ဖြစ်ပါတယ်။ ဒီနေ့မှာပဲ
ဟာဇရတ် မဆီဟ်မော်အူးဒ်(ဌ)သခင်ကြီးက မိမိထံမှာ သားတော်တစ်ပါး
ထွန်းကားမှာဖြစ်ကြောင်း၊ ထိုသားတော်ဟာ မွန်မြတ်သန့်စင်သူ၊ များစွာသော
ဂုဏ်ပုဒ်များကို ပိုင်ဆိုင်သူဖြစ်မည့်အကြောင်း သတင်းထုတ်ပြန်ခဲ့ပါတယ်။
ပြီးခဲ့တဲ့ ဂျွမ္မာနေ့ ခွတ္တဘာမှာလည်း မဆီဟ်မော်အူးဒ်(ဌ)သခင်ကြီးရဲ့ နိမိတ်
လက္ခဏာများနှင့်စပ်လျဉ်းလို့ တင်ပြခဲ့တာကြောင့် ယနေ့လည်းပဲ ဖေဖော်ဝါရီလ
၂၀ ရက်နဲ့ နီးကပ်တဲ့နေ့ဖြစ်တာကြောင့် မဆီဟ်မော်အူးဒ်(ဌ)သခင်ကြီးက
အလွန်ကြီးကျယ်တဲ့ကြိုတင်ဗျာဒိတ်အဖြစ် သတ်မှတ်တော်မူခဲ့တဲ့ မွတ်စ်လေ
မော်အူးဒ် အနာဂတ္တိဟောကိန်း နိမိတ်လက္ခဏာအကြောင်းကို တင်ပြပါ့မယ်။
ဝေဖန်ပြောဆိုသူတွေကို တုံ့ပြန်လျက် သခင်ကြီးက “အသင်တို့ဟာ ပြစ်တင်
ဝေဖန်မှုတွေပဲ ပြုနေကြပါလား။ ယခု ဒီနိမိတ်လက္ခဏာဟာ လူသားရဲ့
ပြုနိုင်စွမ်းအားထက် များစွာမြင့်မားလွန်းတဲ့ကိစ္စဖြစ်တယ်။ သားတော်တစ်ပါး
မွေးဖွားလာမယ့်အကြောင်းမျှသာ ကြိုတင်ဗျာဒိတ်ပေးခဲ့တာမဟုတ်ဘဲ
ဂုဏ်အရည်အချင်းများစွာဖြင့် ပြည့်ဝသူ၊ အသက်ရှည်စွာနေထိုင်သွားမည့်
သားတော်တစ်ပါးနဲ့စပ်လျဉ်းလို့ ဗျာဒိတ်ပေးခဲ့ခြင်းဖြစ်တယ်။” ပြီးတော့ သူဟာ
သခင်ကြီး အသက်ထင်ရှားရှိစဉ်မှာပင်ဖွားမြင်မှာဖြစ်ကြောင်း ကြိုတင်ဗျာဒိတ်
ပေးခဲ့ပါတယ်။ သခင်ကြီး မိန့်ကြားတော်မူတာက-
“အကယ်၍ ဒီကြေညာချက်ကို တရားမျှတစွာဖြင့် နက်နက်ရှိုင်းရှိုင်း ကြည့်ရှု
သုံးသပ်မယ်ဆိုရင် ဒါဟာ အလ္လာဟ်အရှင်မြတ်ထံတော်မှ နိမိတ်လက္ခဏာ
ဖြစ်တယ်ဆိုတာ ဘယ်လိုသံသယဖြစ်စရာမှမရှိပါဘူး။” သခင်ကြီးက ဝေဖန်ပြော
ဆိုသူတွေကို- “အကယ်၍ သံသယရှိတယ်ဆိုရင် ယခုလို နိမိတ်လက္ခဏာများ
ဖြင့်ပြည့်လွှမ်းလျက်ရှိတဲ့ကြိုတင်ဗျာဒိတ်နှင့် အလားတူဗျာဒိတ်တစ်ခုကိုတင်ပြကြ”
ဖို့ ဖိတ်ခေါ်ခဲ့ပါတယ်။

 သခင်ကြီး မိန့်ကြားတော်မူသည်မှာ- “ဤနေရာတွင် မျက်စိများကို ဖွင့်လျက်
ကြည့်ရှုသင့်ပေသည်။ အကြောင်းမူ ဤသည်မှာ ကြိုတင်ဗျာဒိတ်ပေးချက်တစ်ခု
မျှသာမဟုတ်ဘဲ အလွန်ကြီးကျယ်ခမ်းနားသော ကောင်းကင်ဆိုင်ရာ အတိတ်
နိမိတ်ကြီး ဖြစ်ပေသည်။”
ပမာအားဖြင့် မဆီဟ်မော်အူးဒ်(ဌ)သခင်ကြီး ပွင့်ပေါ်ရခြင်းဟာ အစ္စလာမ်ရဲ့
မှန်ကန်မှု၊ တမန်တော်မြတ်ကြီး(H)၏ကြီးမြတ်သာလွန်မှုကို လူသားအားလုံး
အပေါ် ထင်ရှားစေဖို့ဖြစ်သလိုပဲ ယခုလည်း သခင်ကြီးက ဒီကြိုတင်ဗျာဒိတ်၊
နိမိတ်လက္ခဏာတွေအားဖြင့် မိမိရဲ့မှန်ကန်မှုကိုထင်ရှားစေတယ်လို့ သက်သေပြ
ပြောဆိုခဲ့တာမဟုတ်ပါဘူး။ သခင်ကြီးမိန့်ကြားတော်မူသည်မှာ-
“ဤကောင်းကင်ဆိုင်ရာတန်ခိုးနိမိတ်ကို ဘုန်းတော်အနန္တအရှင်က ကျွန်ုပ်တို့၏
တမန်တော်မြတ် မူဟမ္မဒ် မူစ်တဖာ(H)၏ မှန်ကန်မှု၊ ဂုဏ်ရှိန်ကြီးမြတ်မှုတို့ကို
ဖော်ကျူးရန်အလို့ငှာ ထင်ရှားစေခဲ့ခြင်းဖြစ်သည်။ စင်စစ် ဤနိမိတ်လက္ခဏာ
သည် လူသေကို ရှင်စေခြင်းထက် အဆပေါင်းများစွာ ထူးကဲသာလွန်၊ မြင့်မြတ်
ပြည့်စုံလှပေသည်။”
သခင်ကြီး ရှင်းလင်းမိန့်ကြားတော်မူတာက- လူသေကို ရှင်အောင်လုပ်ခြင်း
ဆိုသည်မှာ အသက်ဝိညာဉ်တစ်ခုကို တိုတောင်းသော ကာလတစ်ခုအတွက်
ပြန်လည်ခေါ်ယူလိုက်ခြင်းမျှသာဖြစ်၏။ ပမာအားဖြင့် သမ္မာကျမ်းစာ၌
တမန်တော် အီစာ(ဌ)နှင့် အခြားတမန်တော်များနှင့်စပ်လျဉ်း၍ ရေးသားထား
သကဲ့သို့ ဖြစ်သည်။ သို့သော် ထိုအကြောင်းအရာများနှင့်စပ်လျဉ်း၍ အငြင်းပွား
မှုများလည်းရှိသေးသည်။ ထို့ပြင် လူသေကိုရှင်အောင်လုပ်ခဲ့သည် ရှိစေဦးတော့၊
ထိုသည့် လူသေတစ်ယောက်ရှင်လာခဲ့၍ ကမ္ဘာလောကအတွက် မည်သည့်
အကျိုးကျေးဇူး သက်ရောက်စေပါသနည်း။ သို့သော် ဤ နိမိတ်လက္ခဏာ၌မူ
“အလ္လာဟ်အရှင်မြတ်၏ “ဖဇလ်”ကျေးဇူးတော်နှင့် ဟာဇရတ် ခါတမွလ်အန်ဗီယာ
(H)၏ ကောင်းချီးမင်္ဂလာတော်တို့ဖြင့် မဟာကရုဏာတော်ရှင် အလ္လာဟ်အရှင်
မြတ်က ကျွန်ုပ်၏ဒိုအာဆုတောင်းများကိုလက်ခံတော်မူလျက် ဤမျှ မင်္ဂလာ
အပေါင်းနှင့်ပြည့်စုံသည့် အသက်ဝိညာဉ်တစ်ခုကို စေလွှတ်တော်မူမည့်

 အကြောင်းကို ကတိပြုတော်မူ၏။ ယင်း၏ ရုပ်ပိုင်းနှင့် နာမ်တရားပိုင်း
ကောင်းချီးမင်္ဂလာများက ကမ္ဘာမြေတစ်ခုလုံးကို ဖြန့်ကျက်သွားလိမ့်မည်။”
သခင်ကြီး မိန့်ကြားတော်မူသည်မှာ-
“အို-လူအပေါင်းတို့၊ ကျွန်ုfပ်၌ မည်သည့်အဆင့်ရှိပါသနည်း၊ ထို့ပြင် ကျွန်ုပ်မှာ
မည်သည့်အရာပါနည်း။ ကျွန်ုပ်အားဆန့်ကျင်တိုက်ခိုက်သူသည် စင်စစ်
ကျွန်ုပ်၏ စင်ကြယ်မြင့်မြတ်လှစွာသော ဆရာသခင် တမန်တော်မြတ်ကြီး(H)
အား တိုက်ခိုက်လိုခြင်းသာဖြစ်သည်။ သို့သော် သူသည် နေမင်းကို မြေကြီးဖြင့်
ပက်နိုင်မည်မဟုတ်ကြောင်း မှတ်ထားရပေမည်။ ထိုသည့် မြေကြီးသာလျှင်
သူ၏ ဦးခေါင်းပေါ်၊ သူ၏ မျက်စိများအပေါ်၊ သူ၏ မျက်နှာပေါ်သို့ကျလျက်
သူ့အား ဂုဏ်သရေနိမ့်ကျသူ၊ ကျိုးယုတ်ရှက်ရသူ ဖြစ်သွားစေလိမ့်မည်။ ထို့ပြင်
ကျွန်ုပ်တို့၏ တမန်တော်မြတ်(H)၏ ဂုဏ်ဘုန်းရှိန်ဝါမှာကား သူ၏
ရန်လိုမုန်းထားမှုကြောင့် လျော့နည်းသွားမည်မဟုတ်ဘဲ အလ္လာဟ်အရှင်မြတ်က
ပိုမိုထင်ရှားအောင် ဖော်ကျူးလိမ့်မည် ဖြစ်သည်။ အသို့နည်း၊ အသင်တို့သည်
နံနက်မိုးသောက်ချိန်အနီး၌ နေထွက်ပြူလာသည်ကို မထွက်ရလေအောင်
တားနိုင်ကြသလော။ ထိုနည်းတူစွာပင် အသင်တို့သည် တမန်တော်မြတ်(H)၏
မှန်ကန်မှုဆိုင်ရာ နေမင်းကို အနည်းငယ်မျှပင် ဆုံးရှုံးမှုဖြစ်စေနိုင်မည်မဟုတ်
ချေ။ အလ္လာဟ်အရှင်မြတ်သည် အသင်တို့၏ မလိုမုန်းထားမှုများ၊ ရန်ငြိုးရန်စွယ်
များကို ဖယ်ရှားတော်မူပါစေ။”
သခင်ကြီးရဲ့ကြိုတင်ဗျာဒိတ်နဲ့စပ်လျဉ်းလို့ဝေဖန်ပြောဆိုသူတွေထဲမှာ မွတ်စလင်မ်
မဟုတ်သူတွေနဲ့အတူ အချို့ မွတ်စလင်မ်တွေလည်း ပါဝင်ပါတယ်။ သူတို့
အားလုံးကို သခင်ကြီးက ယခုလို သတိပေးကြေညာခဲ့ခြင်းဖြစ်ပါတယ်။
မည်သို့ဆိုစေ သခင်ကြီးရဲ့ ကြိုတင်ဗျာဒိတ်ပေးချက်အတိုင်း ၁၈၈၉ ခုနှစ်
ဇန်နဝါရီလမှာ ကတိတော်လာသားရတနာ မွေးဖွားသန့်စင်ခဲ့ပါတယ်။
ထိုသားတော်ဟာ အစ္စလာမ်သာသနာတော်ရဲ့သာလွန်ကြီးမြတ်မှုနှင့် တမန်တော်
မြတ်(H)ရဲ့ ဂုဏ်ဘုန်းရှိန်ဝါကိုစိုက်ထူဖို့အတွက် ကမ္ဘာတည်သရွေ့ လူသား
အားလုံး အမှတ်ရစေမယ့် အလွန်ကြီးကျယ်တဲ့လုပ်ငန်းများကို ဆောင်ရွက်သွားခဲ့

 ပါတယ်။ ဒါကို ပြင်ပပုဂ္ဂိုလ်တွေကပင် ဖွင့်ဟပြောဆိုခဲ့ကြရပါတယ်။ ယခု
မွတ်စ်လေမော်အူးဒ်(W)သခင်ရဲ့ စွမ်းဆောင်ချက်များကိုမတင်ပြမီ မွတ်စ်လေ
မော်အူးဒ်အနာဂတ္တိဟောကိန်းမှာပါဝင်တဲ့ မူရင်းစာသားတွေကို တင်ပြလိုပါ
တယ်။ ဒီလိုအားဖြင့် ထိုစကားလုံးတွေဟာ ကျွန်တော်တို့ရှေ့မှောက်မှာ ပေါ်လွင်
လာလျက် ထိုနိမိတ်လက္ခဏာဟာ အဘယ်မျှ ကြီးကျယ်ထွတ်မြတ်မှုရှိကြောင်းကို
သိနေစေဖို့ဖြစ်ပါတယ်။ ဒါ့အပြင် ထိုနိမိတ်လက္ခဏာ အမှန်တကယ်ပြည့်စုံခဲ့ခြင်း
ကိုလည်း သိရှိကြစေဖို့ဖြစ်ပါတယ်။
မဆီဟ်မော်အူးဒ်(ဌ)သခင်ကြီးက ၁၈၈၆ ခုနှစ် ဖေဖော်ဝါရီလ ၂၀ ရက်နေ့မှာ
“ဆီရာဂျေမူနီးရ်”စာစောင်၌ “အနန္တတန်ခိုးတော်ရှင်၏နိမိတ်လက္ခဏာတော်”
အမည်ဖြင့် ကြေညာစာတမ်းတစ်စောင် ရေးသားဖြန့်ချိခဲ့ပါတယ်။ ဒီကြေညာ
စာတမ်းကို အမရစ်ဆာမြို့မှ “ရီယာဇေဟင့်ဒ်”သတင်းစာ ၁၈၈၆ ခုနှစ် မတ်လ ၁
ရက်နေ့ထုတ်၌ အချပ်ပိုအဖြစ်ထည့်သွင်းဖြန့်ချိခဲ့ပါတယ်။ အဲဒီမှာ သခင်ကြီး
ရေးသားခဲ့တာက-
“ဤစာစောင်၌ အကျယ်တဝင့် ရှင်းလင်းတင်ပြမည့် ကြိုတင်ဗျာဒိတ်များအနက်
ပထမဦးဆုံး ကြိုတင်ဗျာဒိတ်မှာ ကျွန်ုပ်ကိုယ်တိုင်နှင့်စပ်လျဉ်း၍ဖြစ်သည်။ ယနေ့
ဖေဖော်ဝါရီလ ၂၀ ရက်၊ ခရစ်နှစ် ၁၈၈၆ ခုနှစ်၊ ဂျမာဒီအောင်ဝလ် ၁၅ ရက်
တွင် အကြောင်းအရာကို အကျဉ်းချုံးလျက် အလ္လာဟ်အရှင်မြတ်ထံတော်မှ
ရရှိသော ဗျာဒိတ်စကားများကို ဥပမာအဖြစ် ရေးသားလိုက်သည်။ အကျယ်ရှင်း
လင်းမှုကို စာစောင်၌ရေးသားမည်ဖြစ်သည် (အင်ရှာအလ္လာဟုသအာလာ)။
ပထမဗျာဒိတ်မှာ-
ဘုန်းတန်ခိုးတေဇာဝေဖြာ၍ ကြီးမြတ်တော်မူသော၊ အလုံးစုံကို တတ်စွမ်းနိုင်
တော်မူသော မဟာကရုဏာတော်ရှင် အလ္လာဟ်အရှင်မြတ်က ကျွန်ုပ်အား
ဗျာဒိတ်ပေးမိန့်ကြားတော်မူသည်ကား-
အသင်သည် ငါအရှင်မြတ်ထံတော်တွင် တောင်းခံသည်နှင့်အညီ ငါသည်
အသင့်အား မေတ္တာကရုဏာတော်ဆိုင်ရာ အတိတ်နိမိတ်ကြီးကို ပေးသနား
တော်မူပြီ။ ငါအရှင်သည် အသင်၏ မြည်တမ်းပန်ထွာချက်များကို ကြားတော်

 မူ၏။ အသင်၏ “ဒိုအာ”ဆုတောင်းများကိုကြားတော်မူလျက် မိမိ၏ ကရုဏာ
တော်ဖြင့် နှစ်သက်လက်ခံတော်မူပြီ။ အသင်၏ခရီးစဉ် (ဟိုရှီယာပူရ်နှင့်
လူဒီယာနာခရီး)ကို အသင့်အဖို့ မင်္ဂလာရှိစေခဲ့ပြီ။
သို့ဖြစ်ရာ တန်ခိုးတော်၊ မေတ္တာကရုဏာတော်နှင့် အပါးတော်၌ နီးစပ်ခြင်းတို့၏
နိမိတ်လက္ခဏာကို အသင့်အားပေးတော်မူပြီ။ ထို့ပြင် ကောင်းချီးမင်္ဂလာနှင့်
ကျေးဇူးပြုခြင်းတို့၏ နိမိတ်လက္ခဏာကို အသင့်အားပေးသနားတော်မူ၏။
ထိုမျှမက အောင်မြင်မှုနှင့်  အောင်ပန်းဆွတ်ခူးခြင်း၏ ရွှေသော့ကို အသင့်အား
ရရှိစေပြီ။ အို- အောင်ပန်းသရဖူကိုဆောင်းရသူ၊ အသင့်အပေါ် ငြိမ်းချမ်းခြင်း
ရှိစေသော်။
အရှင်မြတ်က ဤသို့ မိန့်တော်မူ၏။ ဘဝအသက်ကို အလိုရှိသူများသည်
သေခြင်းမရဏ၏အချုပ်အနှောင်မှ ကယ်တင်ခြင်းရရှိစိမ့်သောငှာလည်းကောင်း၊
ဂူသချုØင်းများအတွင်းမြှုပ်နှံခြင်းခံထားရသူတို့သည် ပြင်ပသို့ထွက်မြောက်လာစေ
ခြင်းငှာလည်းကောင်းဖြစ်၏။ အစ္စလာမ်သာသနာတော်၏ဂုဏ်ဒြပ်နှင့် အလ္လာဟ်
၏မုက္ခပါဌ်တော်အဆင့်အတန်းကို လူတို့အပေါ်ထင်ရှားစေအံ့သောငှာလည်း
ကောင်း၊ သစ္စာတရားသည် အလုံးစုံသောသုတိမင်္ဂလာ ကောင်းချီးအဖြာဖြာ
တို့နှင့်တကွ ပေါ်ထွန်းရောက်ရှိလာလျက် အမိုက်အမှားသည် အလုံးစုံသော
အမင်္ဂလာများနှင့်တကွ တိမ်းရှောင်ထွက်ပြေးသွားရစေခြင်းငှာလည်းကောင်း
ဖြစ်သည်။ ထို့ပြင် ငါအရှင်သည် အလိုရှိရာကို ပြုနိုင်စွမ်းတော်မူသော
တန်ခိုးတော်အနန္တအရှင်ဖြစ်ကြောင်းကို သိရှိနားလည်စေရန်နှင့် ငါသည်
အသင်နှင့်အတူရှိတော်မူကြောင်းကို ယုံကြည်စေခြင်းငှာဖြစ်၏။ ဘုရားရှင်
တည်ရှိတော်မူကြောင်းကို သက်ဝင်ယုံကြည်ခြင်းမရှိသူများ၊ အရှင်မြတ်နှင့်
အရှင်၏ သာသနာတော်၊ အရှင်၏ ကျမ်းတော်နှင့် စင်ကြယ်မြင့်မြတ်လှစွာသော
တမန်တော် မူဟမ္မဒ် မူစ်တဖာ(H)တို့အား ငြင်းပယ်ပြီး မုသားလိမ်ညာသူအဖြစ်
ကြည့်မြင်သူတို့အပေါ် ထင်ရှားသော နိမိတ်လက္ခဏာကြီးတစ်ရပ် ရရှိစေခြင်းငှာ
လည်းကောင်း၊ အပြစ်ဒုစရိုက်သားတို့၏လမ်းသည် ပေါ်လွင်ထင်ရှားလာစေခြင်း
ငှာလည်းကောင်း ဖြစ်၏။

 သို့ဖြစ်ရာ အသင့်အတွက် မင်္ဂလာသတင်းဖြစ်စေသော်။ ယဉ်ကျေးသိမ်မွေ့ပြီး
သန့်ရှင်းမြင့်မြတ်သော သားတော်တစ်ပါး အသင့်အား ပေးသနားခြင်းခံရပေအံ့။
စင်ကြယ်သော အစေတော်(သားငယ်)ကို အသင်ရရှိပေအံ့။ ထိုသားငယ်သည်
အသင်၏မျိုးစေ့မှ အသင်၏အဆက်အနွယ်မျိုးဆက်ဖြစ်ချိမ့်မည်။ သိမ်မွေ့လှပပြီး
သန့်ရှင်းမြင့်မြတ်သော သားတော်၊ အသင်၏ ဧည့်သည်တော်လာလိမ့်မည်။
သူ၏ အမည်မှာ “ဧမာနွေလ”နှင့် “ဘရှီးရ်”ဟူ၍ဖြစ်လိမ့်မည်။ သူ့အား သန့်ရှင်း
သော ဝိညာဉ်တော်ကိုပေးထား၏။ ထို့အပြင် သူသည် အညစ်အကြေးမရှိ
သန့်စင်၏။ သူသည် အလ္လာဟ်၏ “နူရ်”အလင်းရောင်ဖြစ်သည်။ ကောင်းကင်ယံ
မှကြွလာမည့်သူကား မင်္ဂလာရှိပေ၏။ သူနှင့်အတူ “ဖဇလ်”ကောင်းချီးရှိပြီး
ယင်းသည် သူလာခြင်းနှင့်အတူ ရောက်လာလိမ့်မည်။ သူသည် အရေးဆိုတင်ပြ
တတ်သူ၊ ဂုဏ်သိက္ခာကြီးမြင့်သူနှင့် စီးပွားဥစ္စာဖြစ်ချိမ့်မည်။ သူသည်
ကမ္ဘာလောကသို့ရောက်လာလိမ့်မည်။ ထိုမှတစ်ပါး မိမိ၏ “မဆီဟာ”
စိတ်ဝိညာဉ်နှင့် သစ္စာတရားဝိညာဉ်တော်တို့၏အစွမ်းဖြင့် လူများစွာတို့ကို
ရောဂါဘယများမှ ကင်းဝေးစေလိမ့်မည်။ သူသည် အလ္လာဟ်၏နှုတ်ကပါဌ်တော်
ဖြစ်သည်။ အကြောင်းမူ အလ္လာဟ်၏မေတ္တာကရုဏာတော်နှင့် စောင့်ကြပ်ခြင်း
တို့က သူ့အား မိမိ၏ ဝိသေသထူးသော နှုတ်ကပါဌ်တော်ဖြင့် စေလွှတ်တော်မူ
၏။ သူသည် ဉာဏ်ပညာနှင့် အသိတရား၌ အလွန်ထက်မြက်သူဖြစ်ပြီး
စိတ်နှလုံး နူးညံ့သိမ့်မွေ့သူဖြစ်သည်။ သူ့အား အတွင်းအပြင်(ရုပ်၊ နာမ်)ပညာရပ်
အလုံးစုံတို့ဖြင့် ဖြည့်တင်းပေးမည်။ သူသည် သုံးကို လေး ဖြစ်စေမည်။ ...
တနင်္လာနေ့၊ ကျက်သရေမင်္ဂလာရှိသော တနင်္လာနေ့ပင်။ တန်ဖိုးထားမြတ်နိုးဖွယ်
ရာ သားရတနာ ...
“မတ်ဇ်ဟာရွလ် အောင်းဝါလေ ဝလ်အာခီရ်၊ မတ်ဇ်ဟာရွလ် ဟက္က
ဝလ်အလာအ်၊ ကအန်နလ္လားဟ နဇလ မေနတ်စမားအ်။” (သူသည်
အရှင်မြတ်၏ အဦးအစနှင့် အဆုံးအစွန်ဖြစ်ခြင်းဂုဏ်တော်၏ ပေါ်လွင်ထင်ရှား
ရာဖြစ်သည်။ သူသည် သစ္စာတရားရှင်နှင့် ဂုဏ်ရှိန်ကြီးမြတ်တော်မူသော
အရှင်မြတ်၏ပြယုဂ်ဖြစ်သည်။ သူလာရောက်ခြင်းသည် အလ္လာဟ်အရှင်မြတ်
ကိုယ်တော်တိုင် ကောင်းကင်ယံမှ ဆင်းသက်လာသကဲ့သို့ ဖြစ်သည်။)

 အကြင်သူ လာရောက်ခြင်းမှာ မင်္ဂလာအတိဖြစ်ပြီး အရှင်မြတ်၏ ဂုဏ်ဘုန်း
တေဇာဖော်ကျူးရာ ဖြစ်ချိမ့်မည်။ အလင်းရောင်ခြည်တော် လာနေပြီ။ ယင်းကို
အလ္လာဟ်၏ ကျေနပ်နှစ်သက်တော်မူခြင်း နံ့သာရေဖြင့် ဆွတ်ဖြန်းလျက်
သင်းပျံ့ထုံမွှေးအောင် စီမံထားတော်မူ၏။ ငါတို့သည် သူ့ထံတွင် မိမိ၏
ဝိညာဉ်တော်ကို ထည့်သွင်းပေးတော်မူမည်။ ထို့အပြင် အလ္လာဟ်၏ အေးရိပ်
ဆာယာသည် သူ၏ ဦးခေါင်းထက်ဝယ်ရှိပေအံ့။ သူသည် အလျင်အမြန် ကြီးပွား
ထွန်းကားမည်။ ထို့အပြင် အကျဉ်းခံတို့၏ လွတ်မြောက်ရာအကြောင်းခံ ဖြစ်လိမ့်
မည်။ သူသည် ကမ္ဘာမြေကြီး အစွန်အဖျားများသို့တိုင် ကျော်ဇောလိမ့်မည်။
လူသားမျိုးနွယ်စုတို့သည် သူ့ထံမှ ကောင်းချီးမင်္ဂလာကို ခံယူရရှိကြပေလတံ့။
ထိုအခါတွင်မှ မိမိရည်မျှော်ရာ ကောင်းကင်သို့ ပင့်မခေါ်ဆောင်ခြင်းကို ခံရချိမ့်
မည်တည်း။
“ဝကားန အမ်ရန် မက္က်ဒွီးယာ” (ဤသည် ဧကန်မုချ ပြည့်စုံရမည်သာတည်း။)
(မဂ်ျမူအာ အိရှ်တီဟာရာတ်၊ အတွဲ ၁၊ စာ ၁၀၀-၁၀၁)
ဒါဟာ ကတိတော်လာသားရတနာထံမှာ ထင်ရှားမယ့် ဂုဏ်ဒြပ်တွေပဲ
ဖြစ်ပါတယ်။ ဒါနဲ့ပတ်သက်လို့ ကမ္ဘာလောကတစ်ခုလုံးက အထင်အရှား
သက်သေဖြစ်ပါတယ်။ ထိုသားတော်ဟာ မွေးဖွားသန့်စင်လာခဲ့ပြီး ခေလာဖတ်
အရိုက်အရာ၌ ၅၂ နှစ်ကြာမျှ ဆက်ခံပြီးနောက် မိမိအတွက် ထုတ်ပြန်ခဲ့တဲ့
ကြိုတင်ဗျာဒိတ်ဟာ တိတိကျကျ ပြည့်စုံခဲ့တယ်ဆိုတာကို ကမ္ဘာလောကတစ်ခု
လုံးကို လက်ခံစေလျက် ဒီလောကမှထွက်ခွာသွားခဲ့ပါတယ်။ အကယ်၍
ဒီထူးခြားချက်တွေနဲ့ပတ်သက်လို့ နက်ရှိုင်းစွာလေ့လာကြည့်တဲ့အခါ၊ ပြီးတော့
ဒုတိယခလီဖတွလ်မဆီဟ် ဟာဇရတ် မီရ်ဇာဘရှီးရွတ်ဒီးန်မာဟ်မူးဒ်အဟ်မဒ်
အလ်-မွတ်စ်လေမော်အူးဒ်(W)ရဲ့ဘဝကို သေသေချာချာ လေ့လာဆန်းစစ်ကြည့်
မယ်ဆိုရင် ဒိအတွက် စာအုပ်ပေါင်းများစွာ ရေးသားရပါလိမ့်မယ်။ ခွတ္တဘာ
တစ်ခုခုမှာသော်လည်းကောင်း၊ မိန့်ခွန်းတစ်ခုခုမှာသော်လည်းကောင်း ဟာဇရတ်
မွတ်စ်လေမော်အူးဒ်(W)သခင်ရဲ့ ဘဝနဲ့ သခင့်ရဲ့စွမ်းဆောင်ချက်တွေကို လွှမ်းခြုံ
ပြောပြနိုင်ဖို့ဆိုတာမဖြစ်နိုင်ပါဘူး။ အဟ်မဒီယာဂျမာအတ်မှာ နှစ်စဉ်နှစ်တိုင်း
 ဖေဖော်ဝါရီလ ၂၀ ရက်နေ့မှာ မွတ်စ်လေမော်အူးဒ်နေ့ အခမ်းအနားကို
ကျင်းပလေ့ရှိပါတယ်။ ဓမ္မဆရာတွေ၊ သာသနာ့ပညာရှင်တွေက မိမိတို့ရဲ့
ထက်သန်မှုနှင့် အသိပညာပိုင်းအလျောက် ဒီအကြောင်းအရာကို ရှင်းလင်း
တင်ပြလေ့ရှိပါတယ်။ ကျွန်တော်လည်းပဲ ဒါနဲ့ပတ်သက်လို့ အခါအားလျော်စွာ
တင်ပြခဲ့ပြီးဖြစ်ပါတယ်။ တတိယခလီဖာသခင်၊ စတုတ္ထခလီဖာသခင်တို့ကလည်း
အသီးသီးမိန့်ကြားခဲ့ကြပါတယ်။ ဒီလိုရှိပေမဲ့လည်း ကျွန်တော်တို့ဟာ မွတ်စ်လေ
မော်အူးဒ်သခင်ရဲ့ ဘဝအတ္ထုပ္ပတ္တိနဲ့ မွတ်စ်လေမော်အူးဒ်အနာဂတ္တိဟောကိန်း
ဆိုင်ရာ အကြောင်းအရာတွေကို အပြည့်အဝလွှမ်းခြုံတင်ပြနိုင်ခဲ့ပြီ၊ ဒါမှမဟုတ်
အချက်အားလုံးကို နားလည်သဘောပေါက်ခဲ့ပြီလို့ မပြောနိုင်သေးပါဘူး။
မည်သို့ဆိုစေ ယနေ့လည်းပဲ ကျွန်တော့်အနေနဲ့ ဒီကြိုတင်ဗျာဒိတ်ပါ အချက်များ
အနက်မှ ရှုထောင့်တစ်ခုနှင့်ဆက်နွယ်ပြီး မွတ်စ်လေမော်အူးဒ်သခင်ကြီးရဲ့
ဘ၀ဖြစ်စဉ်ကို တင်ပြပါ့မယ်။ သခင်ကြီးရဲ့ အသိပညာ၊ ဉာဏ်စဉ်တွေဟာ
နောက်လိုက်တွေအတွင်းမှာရော၊ ပြင်ပပုဂ္ဂိုလ်တွေကိုပါ ဘယ်လိုဘယ်ပုံ
သက်ရောက်မှုဖြစ်စေခဲ့ပါသလဲ။
ဦးစွာပထမ ကျွန်တော့်အနေနဲ့ မွတ်စ်လေမော်အူးဒ်သခင်ရဲ့ ကျမ်းစာအုပ်တွေ၊
ဟောပြောပို့ချချက် မိန့်ခွန်းတွေနဲ့စပ်လျဉ်းလို့ စာရင်းပြုစုချက်တစ်ခုကိုလည်း
တင်ပြလိုပါတယ်။ ထိုစဉ်က အသံဖမ်းစနစ်က မတွင်ကျယ်သေးပါဘူး။ မိန့်ခွန်း
အချို့ကို အပြည့်အဝအသံဖမ်းထားနိုင်တာမျိုးရှိသလို၊ မဖမ်းထားနိုင်ခဲ့တာ
လည်း ရှိပါတယ်။ ဒါပေမဲ့ မိန့်ခွန်းတွေကို တစ်ပြိုင်တည်း ရေးမှတ်ခဲ့သူတွေ
ရှိခဲ့ပါတယ်။ မွတ်စ်လေမော်အူးဒ်(W)ရဲ့ ကျမ်းစာအုပ်တွေ၊ မိန့်ခွန်းတွေနဲ့
ပို့ချချက်တွေကိုစုစည်းလျက် “အန်ဝါရွလ်အူလူးမ်”အမည်နဲ့ “ဖဇ်လေအုမရ်
ဖောင်ဒေးရှင်း”က ပုံနှိပ်ထုတ်ဝေလျက်ရှိပါတယ်။ လက်ရှိအချိန်ထိ
“အန်ဝါရွလ်အူလူးမ်” စုစုပေါင်း (၂၄)တွဲမျှထိ ထုတ်ဝေခဲ့ပြီး ဖြစ်ပါတယ်။
ဒီအထဲမှာ သခင့်ရဲ့ ရေးသားချက်နှင့် မိန့်ခွန်းပေါင်း ၆၃၃ ပုဒ်ကို စုစည်းခဲ့ပြီး
ဖြစ်ပါတယ်။ “ဖဇ်လေအုမရ်ဖောင်ဒေးရှင်း”ရဲ့ခန့်မှန်းချက်အရ အတွဲပေါင်း(၃၂)
တွဲထိ ရှိလာမယ်လို့သိရပါတယ်။ ဒီလိုအားဖြင့် မိန့်ခွန်း၊ ပို့ချချက်ပေါင်း ၈၅၀
ကျော်မျှ ရှိလာပါလိမ့်မယ်။ အတွဲအမှတ်စဉ် (၂၅)မှ (၂၉)အထိက ပုံနှိပ်ဖို့
 အဆင်သင့်ဖြစ်နေပါပြီ။ ဒီအတွဲတွေထဲမှာ သခင့်ရဲ့ရေးသားချက်နှင့် မိန့်ခွန်း
ပေါင်း ၁၆၃ ပုဒ်မျှပါဝင်ပါတယ်။ အဲဒီနောက် အတွဲ ၃ တွဲသာ ကျန်ရှိပါလိမ့်
မယ်။ ဒီလိုအားဖြင့် မိန့်ခွန်းများနှင့် ရေးသားချက် စုစုပေါင်း ၈၅၀ ကျော်မျှထိ
ဖြစ်လာပါလိမ့်မယ်။
ထိုနည်းတူစွာပဲ ဂျွမ္မာခွတ္တဘာ၊ နီကာဟ်ခွတ္တဘာနှင့် အီးဒ်ခွတ္တဘာတွေနဲ့
စပ်လျဉ်းလို့ ယခုထိရရှိတဲ့ စာရင်းအရ ခွတ္တဘာပေါင်း ၂၀၇၆ ခုထိရှိပါတယ်။
လက်ရှိအချိန်ထိ “ခွတ္တဘာတေမာဟ်မူးဒ်” အတွဲပေါင်း(၂၈)တွဲကို ပုံနှိပ်ထုတ်ဝေ
ခဲ့ပြီး ဖြစ်ပါတယ်။ ဒီထဲမှာ ခွတ္တဘာအရေအတွက် ၁၆၀၂ ပုဒ် ပါရှိပါတယ်။
၁၉၄၈ မှ ၁၉၅၉ ထိ ခွတ္တဘာတွေကို အတွဲအမှတ် (၂၉)မှ (၃၉) အတွင်း
ထည့်သွင်းထုတ်ဝေမှာ ဖြစ်ပါတယ်။ ဒီထဲမှာ ခွတ္တဘာ အရေအတွက် ၅၀၀ ခန့်
ပါဝင်လာမှာဖြစ်ပါတယ်။ ဒါဟာ သခင့်ရဲ့ပညာပိုင်းဆိုင်ရာ စွမ်းဆောင်ချက်နဲ့
ပတ်သက်လို့ သေးငယ်တဲ့ယေဘုယျလေ့လာချက်မျှသာ ဖြစ်ပါတယ်။ အကယ်၍
မိန့်ခွန်းတစ်ခုချင်း၊ ခွတ္တဘာတစ်ခုချင်းကို နားထောင်လျက် လေ့လာဆန်းစစ်
ကြည့်မယ်ဆိုရင် ပညာပိုင်း၊ အသိဉာဏ်စဉ်ပိုင်းဆိုင်ရာ အဖိုးထိုက်တန်တဲ့
ပုလဲရတနာတွေနဲ့စီခြယ်ထားတာကို တွေ့ရပါလိမ့်မယ်။ ဒါ့အပြင် နက်နဲတဲ့
ပညာဉာဏ်စဉ်တွေဟာ မြစ်ရေအလား စီးဆင်းလျက်ရှိတာကို မြင်ရတာကြောင့်
နားဆင်သူတိုင်းဟာ အံ့ဩမိန်းမောသွားကြရပါတယ်။
တတိယခလီဖတွလ်မဆီဟ်သခင်ကလည်း တစ်ခါက ဒီလေ့လာတွက်ချက်မှုကို
တင်ပြခဲ့ဖူးပါတယ်။ ထိုစဉ်က သခင်ကြီး မိန့်ကြားတော်မူတာက- “အကယ်၍
ကြိုတင်ဗျာဒိတ်ပါအချက်များအနက် တစ်ချက်ဖြစ်တဲ့ “သူ့အား အတွင်းအပြင်
ပညာရပ်အလုံးစုံတို့ဖြင့် ဖြည့်တင်းပေမည်” ဆိုတဲ့ ရှုထောင့်တစ်ခုကိုပဲ
ယူကြည့်လိုက်မယ်ဆိုရင် ဒီရှုထောင့်တစ်ခုမှာတင် တင်ပြပြောဆိုလို့မကုန်နိုင်တဲ့
ကျယ်ပြန့်တဲ့စွမ်းဆောင်ချက်တွေရှိနေပါတယ်။”
တတိယခလီဖာသခင် ဆက်လက်မိန့်ကြားတော်မူတာက- “မွတ်စ်လေမော်အူးဒ်
သခင်ရဲ့ တဖ်စီရေကဘီးရ်ကျမ်းကိုပဲကြည့်ပါ။ ထိုကျမ်းဟာ အလွန်အံ့ချီးဖွယ်
ကောင်းတဲ့ ကျမ်းဖြစ်ပါတယ်။ ဘယ်သူမဆို ဒါကို သေသေချာချာ ဖတ်ရှုမယ်
 ဆိုရင် သူဟာ မဖြစ်မနေ ဝန်ခံရပါလိမ့်မယ်။ အကယ်၍ ကမ္ဘာလောကမှာ
ဘုရားရှင်ထံတော်မှ စေလွှတ်ခြင်းခံရသူတွေ မွေးဖွားလာကြပြီး သူတို့ဟာ
ကျမ်းမြတ်ကုရ်အာန်ကို ဤအတိုင်းအတာမျှ အကျယ်ရှင်းလင်းချက်များဖြင့်
ရေးသားဖြန့်ချိမယ်ဆိုရင် ဒါသာလျှင် သူတို့ကို ကမ္ဘာလောကအမြင်မှာ
အကြီးကျယ်ဆုံး အမြင့်မြတ်ဆုံးလူသားအဖြစ် အသိအမှတ်ပြုစေဖို့အတွက်
လုံလောက်ပါတယ်။ ဒါတင်မကသေးပါဘူး။ ကျမ်းမြတ်ကုရ်အာန်နဲ့စပ်လျဉ်းလို့
နောက်ထပ်များစွာသော စာအုပ်တွေ ရေးသားခဲ့ပါတယ်။”
တတိယခလီဖာသခင် မိန့်ကြားတော်မူတာက- “ကျွန်တော် သိရသလောက်တော့
မွတ်စ်လေမော်အူးဒ်သခင်ဟာ ကျမ်းမြတ်ကုရ်အာန် အကျယ်ရှင်းလင်းဖွင့်ဆို
ချက်ကိုတင် စာမျက်နှာ ၁၀၀၀ နီးပါး ရေးသားခဲ့ပါတယ်။”
ယခုလက်ရှိ “တဖ်စီရေကဘီးရ်” အတွဲ ၁၀ တွဲမှာ စာမျက်နှာ စုစုပေါင်း ၆၀၀၀
ကျော်ရှိပါတယ်။ ဒါတင်မက အာယတ်တော် ရှင်းလင်းချက်မှတ်စုများ၊
မိန့်ခွန်းများ၌ ရှင်းလင်းဖွင့်ဆိုချက်တွေလည်း ရှိခဲ့ပါတယ်။
တစ်ဖန် တတိယခလီဖာသခင် တင်ပြခဲ့တဲ့ စာရင်းဇယားအရ “ကလာမ်”နဲ့
ပတ်သက်လို့ ဒုတိယခလီဖာသခင်ဟာ ကျမ်း ၁၀ ကျမ်း ရေးသားခဲ့ပါတယ်။
တဖ်စီရေကဘီးရ် အတွဲ ၁၀ တွဲထဲမှာ ဆူရာဟ် ဖာတေဟာ(၁)၊ ဆူရာဟ် အလ်-
ဘကရာ(၂)၊ ထို့နောက် ဆူရာဟ် ယူနွတ်စ်(၁၀)မှ ဆူရာဟ် အန်ကဘူးတ်
(၂၉)ထိ၊ ထို့နောက် ဆူရာဟ် အလ်-နဗာ(၇၈)မှ ဆူရာဟ် အလ်-နားစ်(၁၁၄)ထိ
စုစုပေါင်း ဆူရာဟ် ၅၉ ခုကို အကျယ်ဋီကာဖွင့်ဆိုရေးသားခဲ့ပါတယ်။
ဒီရှင်းလင်းဖွင့်ဆိုချက်တွေဟာ အလွန်သေးငယ်တဲ့ စာလုံးအရွယ်အစားနဲ့
ရေးသားထားတာတောင် စာမျက်နှာ ၆၀၀၀ ကျော်မျှရှိပါတယ်။ အကယ်၍
ယနေ့ခေတ် ပုံစံ စာလုံးအရွယ်အစားနဲ့သာဆိုရင် စာမျက်နှာ ၁၂၀၀၀ ကျော်မျှ
ရှိပါလိမ့်မယ်။ ပြီးတော့ ဆူရာဟ် ၅၅ ခုရဲ့ အကျယ်ဖွင့်ဆိုချက်တွေလည်း
မပါဝင်သေးပါဘူး။
ပြီးနောက် “ကလာမ်”နဲ့ပတ်သက်လို့ သခင်ကြီး ရေးသားခဲ့တဲ့ ကျမ်း ၁၀ ကျမ်း
ရှိပါတယ်။ ဝိညာဉ်ပိုင်းဆိုင်ရာ၊ အစ္စလာမ့်ကိုယ်ကျင့်တရား၊ အစ္စလာမ့်
 ယုံကြည်ချက်တို့နှင့်စပ်လျဉ်းလို့ စာအုပ်စာစောင်ပေါင်း ၃၁ အုပ်ကို ရေးသား
ထုတ်ဝေခဲ့ပါတယ်။ “ဆီရတ်”အတ္ထုပ္ပတ္တိကျမ်းပေါင်း ၁၃ အုပ် ရေးသားခဲ့ပါတယ်။
သမိုင်းနဲ့ပတ်သက်လို့ ကျမ်း ၄ ကျမ်း ရေးသားခဲ့ပါတယ်။ “ဖေကာဟ်”(ဓမ္မသတ်)
နဲ့ပတ်သက်လို့ စာအုပ် ၃ အုပ်ရေးသားခဲ့ပါတယ်။ အိန္ဒိယ-ပါကစ္စတန် ခွဲခြမ်းမှု
မပြုခင်က နိုင်ငံရေးစာပေ ၂၅ အုပ်၊ အိန္ဒိယ-ပါကစ္စတန် ခွဲခြမ်းပြီးနောက်
နိုင်ငံရေးစာပေ ၉ အုပ်မျှ ရေးသားခဲ့ပါတယ်။ ကရှ်မီးရ်အရေးနဲ့ပတ်သက်လို့
စာအုပ်စာစောင် ၁၅ ခုရေးသားခဲ့ပါတယ်။ တစ်ဖန် အဟ်မဒီယတ်နှင့်စပ်လျဉ်း
လို့ အရေးကြီးတဲ့ အကြောင်းအရာများနှင့် စီမံကိန်းများနဲ့ပတ်သက်လို့ စာအုပ်
စာစောင်ပေါင်း ၁၀၀ နီးပါး ရေးသားခဲ့ပါတယ်။ ဒါ့အပြင် အခြားမြောက်မြား
စွာသော အကြောင်းအရာတွေနဲ့ပတ်သက်လို့ ရေးသားချက်တွေ ရှိပါသေးတယ်။
တတိယခလီဖာသခင် မိန့်ကြားတော်မူတာက- “သူ့အား ရုပ်ပိုင်း၊ နာမ်ပိုင်း
ပညာရပ်အလုံးစုံဖြင့် ဖြည့်တင်းပေးခြင်းခံရမည်”ဆိုသည့် ဗျာဒိတ်ပေးချက်
အတိုင်းပဲ သခင်ကြီးရဲ့ မိန့်ကြားချက်တွေကို လေ့လာကြည့်တဲ့အခါ ရုပ်ပိုင်း
ဆိုင်ရာ အသိပညာတွေကိုလည်းတွေ့ရှိရသလို နာမ်ပိုင်းဆိုင်ရာ အသိပညာတွေ
လည်း ပါရှိနေတာကိုတွေ့ရပါလိမ့်မယ်။ ဒါတင်မက နှစ်သက်စရာကောင်းတာက
သခင်ဟာ စာအုပ်တစ်ခု၊ စာစောင်တစ်ခုကို ရေးသားလိုက်ပြီဆိုရင် ဖတ်ရှုရသူ
တိုင်းက ဒီရေးသားချက်ထက်ပိုမိုကောင်းမွန်အောင် ဘယ်သူမှ ရေးသားနိုင်မှာ
မဟုတ်ဘူးလို့ ပြောဆိုကြရပါတယ်။ သခင်ဟာ နိုင်ငံရေးနယ်ပယ်ကို
ဦးဆောင်တဲ့အခါမှာလည်း နိုင်ငံရေးရာနဲ့ပတ်သက်လို့ အခြေခံကျတဲ့ အကြံပြု
ချက်တွေကို တင်ပြခဲ့ပါတယ်။ အပြင်းထန်ဆုံး ဆန့်ကျင်သူတွေကပင် သခင့်ရဲ့
အလွန်မြင့်မားတဲ့ စွမ်းရည်ကို လက်မခံဘဲမနေနိုင်လောက်အောင် ဖြစ်ရပါတယ်။
ဒီလိုကြောင့် သခင်ကြီးရဲ့ ရုပ်ပိုင်း၊ နာမ်ပိုင်းပညာရပ်များဖြင့် ပြည့်စုံခြင်းနဲ့
ပတ်သက်လို့ အလွန်ရှည်လျားတဲ့ အကြောင်းအရာဖြစ်ပါတယ်။ အဲဒါရဲ့
အပုံတစ်ထောင်ပုံ တစ်ပုံမျှလောက်တောင် ကျွန်တော်တို့ မရောက်နိုင်ပါဘူး။”
တတိယခလီဖာသခင် မိန့်ကြားတော်မူခဲ့သလိုပဲ “တဖ်စီရေကဘီးရ်” တစ်ခုတည်း
ကပဲ ဟာဇရတ် မွတ်စ်လေမော်အူးဒ်(W)ရဲ့ ဂုဏ်အဆင့်အတန်းကို လက်ခံစေဖို့
 ရာ လုံလောက်ပါတယ်။ စင်စစ် ဒီတဖ်စီရ်ကျမ်းထဲမှာ ကျမ်းမြတ်ကုရ်အာန်ကို
နားလည်သိရှိနိုင်စေဖို့အတွက် ဆန်းသစ်တဲ့အမြင်၊ အသိပညာ ဉာဏ်စဉ်တို့ရဲ့
နက်ရှိုင်းတဲ့လျှို့ဝှက်ချက်တွေကို ဖွင့်လှစ်ခဲ့တာကြောင့် ထာဝရအဖို့ ဟာဇရတ်
မွတ်စ်လေမော်အူးဒ်(W)သခင်ကို သတိတရဖြစ်စေပါလိမ့်မယ်။
ယခုဆက်လက်ပြီး သခင်ကြီးရဲ့ ကျမ်းမြတ်ကုရ်အာန် ဋီကာဖွင့်ဆိုချက်နဲ့
စပ်လျဉ်းလို့ အထင်ကရပုဂ္ဂိုလ်များရဲ့မှတ်ချက်ပြုပြောစကားများကိုတင်ပြပါ့မယ်။
အလ္လာမာ နယားဇ်ဖတေ့ပူရီဆာဟိဘ်က မွတ်စ်လေမော်အူးဒ်သခင်ထံ ပေးပို့
လိုက်တဲ့ စာထဲမှာ ယခုလို ရေးသားထားပါတယ်။ “တဖ်စီရေကဘီးရ် အတွဲ ၃
ဟာ ယခု ကျွန်တော့်ရှေ့မှောက်မှာရှိပါတယ်။ ဒီကျမ်းကို ကျွန်တော် အလွန်
ဂရုတစိုက်ဖတ်ရှုနေပါတယ်။ လူကြီးမင်းဟာ ကျမ်းမြတ်ကုရ်အာန် လေ့လာမှုနဲ့
ပတ်သက်လို့ ဆန်းသစ်တဲ့ရှုထောင့်တစ်ခုမှတင်ဆက်ခဲ့တယ်ဆိုတာ လုံးဝသံသယ
မရှိပါဘူး။ ပြီးတော့ ဒီပုံစံမျိုး ရှင်းလင်းဖွင့်ဆိုမှုဟာ  တဖ်စီရ်ကျမ်း တွေထဲမှာ
ပထမဆုံးကျမ်းပါပဲ။ ဒီထဲမှာ အသိဉာဏ်နှင့် ကျိုးကြောင်းပြချက် တွေကို
အလွန်လှပစွာဖြင့် ယှဉ်ထိုးပြသထားပါတယ်။ လူကြီးမင်းရဲ့ ပညာ ဉာဏ်စဉ်နှင့်
လူကြီးမင်းရဲ့အမြင်ကျယ်မှု၊ လူကြီးမင်းရဲ့ အလွန်ထူးခြားသော တွေးခေါ်
မြော်မြင်နိုင်စွမ်း၊ လူကြီးမင်းရဲ့ အလွန်ကောင်းမွန်တဲ့ ကောက်ချက်များဟာ
ဒီကျမ်းထဲက စကားလုံးတစ်လုံးချင်းစီအားဖြင့် ပေါ်လွင်ထင်ရှားလျက် ရှိပါ
တယ်။ ဒီကျမ်းနဲ့ပတ်သက်လို့ အသိနောက်ကျခဲ့ရတဲ့အတွက်လည်း ကျွန်တော်
ဝမ်းနည်းမိပါတယ်။ အတွဲအားလုံးကို ကျွန်တော်လေ့လာခွင့်ရရင်ကောင်းမှာပဲ။
မနေ့က ဆူရာဟ် ဟူးဒ်ရဲ့ တဖ်စီရ်မှာ ဟာဇရတ် လူးတ်(ဌ)နဲ့စပ်လျဉ်းလို့
လူကြီးမင်းရဲ့ အမြင်ကိုသိရတာကြောင့် နှလုံးသားမှာသွက်သွက်ခါ သွားခဲ့ပါ
တယ်။ ဒါကြောင့်လည်း ဒီစာကို မဖြစ်မနေ ရေးသားလိုက်ရခြင်းဖြစ်ပါတယ်။
လူကြီးမင်းဟာ  (ဤသည်တို့မှာ ငါ၏သမီးများဖြစ်ပေသည်။၁၁း၇၉)
ဆိုသည့် မုက္ခပါဌ်တော်ကို ရှင်းလင်းဖွင့်ဆိုလျက် ရှေးယခင်ဋီကာပညာရှင်တို့၏
အမြင်မှဖယ်ခွာလျက် ရှုထောင့်တစ်ရပ်မှ ထောက်ပြရေးသားသွားခဲ့သည်ကို
ဖတ်ရှုရလျက် ထိုအကြောင်းကို အပြည့်အဝချီးမွမ်းပြောဆိုဖို့ ကျွန်တော်မတတ်
 စွမ်းပါဘူး။ အလ္လာဟ်အရှင်မြတ်သည် လူကြီးမင်းကို အသက်ရှည် ကျန်းမာစွာ
ထားရှိတော်မူပါစေ။ -အာမီးန်-”
တစ်ဖန် အလ္လာမာ နယားဇ်ဖတေ့ဟ်ပူရီဆာဟိဘ်ကပဲ အခြား စာတစ်စောင်မှာ
အခုလို ရေးသားခဲ့ပါတယ်။ “တဖ်စီရေကဘီးရ်ကို မပြတ်တမ်း ဖတ်ရှုလေ့လာ
ခဲ့ပါတယ်။ ညဘက်မှာဖြင့် ဒီကျမ်းကို ပုံမှန်ဖတ်ရှုခဲ့ပါတယ်။ ဒီကျမ်းကို
ကျွန်တော် ဘယ်ကဘယ်လိုရလိုက်သလဲဆိုတာကတော့ ပြောရရင် ရှည်လျားပါ
တယ်။ ဒါပေမဲ့ ကျွန်တော်ပြောလိုတာက ဒီကျမ်းဟာ အူရ်ဒူတဖ်စီရ်ကျမ်းတွေ
ထဲမှာ အပြောင်မြောက်ဆုံးကျမ်းဖြစ်ပြီး လူ့အသိဉာဏ်ကို အလွန်မြင့်မားတဲ့
အတိုင်းအတာထိ ကျေနပ်မှုပေးစွမ်းနိုင်ပါတယ်။ လူကြီးမင်းရဲ့ အဖွဲ့အစည်းဟာ
ဒီတဖ်စီရ်ကျမ်းအားဖြင့် အစ္စလာမ်သာသနာတော်အတွက် အကျိုးပြုခဲ့တာဟာ
ဖြင့် အလွန်မြင့်မားလှပြီး လူကြီးမင်းကို အပြင်းအထန် ဆန့်ကျင်သူတွေကပင်
ဒါကို ငြင်းပယ်ကန့်ကွက်နိုင်မှာမဟုတ်ပါဘူး။”
တစ်ဖန် ပတ္တနာတက္ကသိုလ်မှ အူရ်ဒူဌာနရဲ့ ပါမောက္ခဖြစ်သူ အခ်တာရ်ဆာဟိဘ်
က ဖာရစီဘာသာစာပေရဲ့ အငြိမ်းစာပါမောက္ခဖြစ်သူ အဗ်ဒွလ်မနာန်ဆာဟိဘ်
ထံသို့ တဖ်စီရေကဘီးရ်ကို ပေးပို့လိုက်ပြီးနောက် ကြုံတွေ့ခဲ့ရတဲ့ အဖြစ်အပျက်
ကို ယခုလို ရေးသားထားပါတယ်။ “ကျွန်တော်ဟာ ဒုတိယခလီဖာသခင်ရဲ့
တဖ်စီရေကဘီးရ်အတွဲအချို့ကို ပါမောက္ခ အဗ်ဒွလ်မနာန်ထံသို့ ပေးပို့ခဲ့ပါတယ်။
သူဟာ တဖ်စီရ်ကျမ်းကို ဖတ်ရှုလျက် အလွန်ပဲ နှစ်သက်ခဲ့ပါတယ်။ ဒီလိုနဲ့သူဟာ
“ရှမ်စွလ်ဟူဒါ”အာရဗီကျောင်းမှ ရှိုက်ခ်(ပညာရှင်)များကိုလည်း တဖ်စီရ်ကျမ်းရဲ့
အချို့သော အတွဲများကို ပေးဖတ်ခဲ့ပါတယ်။ တစ်နေ့မှာ သူဟာ ရှိုက်ခ်အချို့ကို
ဖိတ်ကြားလျက် သူတို့ရဲ့ အမြင်ကိုလည်း မေးမြန်းခဲ့ပါတယ်။ ရှိုက်ခ်တစ်ဦးက
ဖာရစီ တဖ်စီရ်တွေထဲမှာတော့ ဒါမျိုး တဖ်စီရ်ကို မတွေ့ဖူးဘူးလို့ပြောပါတယ်။
ဒါနဲ့ ပါမောက္ခအဗ်ဒွလ်မနာန်ဆာဘ်က “အာရဗီတဖ်စီရ်တွေထဲမှာရော ရှိနိုင်ပါ
သလား”လို့ မေးလိုက်ပါတယ်။ ရှိုက်ခ်တွေက နှုတ်ဆိတ်နေကြပါတယ်။ ခဏ
အကြာမှာ သူတို့ထဲကတစ်ဦးက “အာရဗီတဖ်စီရ်ကျမ်းအားလုံးကို ပတ္တနာမြို့မှာ
ရနိုင်ဖို့မလွယ်ဘူး။ အီဂျစ်နဲ့ ဆီးရီးယားက တဖ်စီရ်ကျမ်းအားလုံးကို လေ့လာပြီး
တဲ့နောက်မှပဲ မှန်ကန်တဲ့ မှတ်ချက်ပေးနိုင်ပါလိမ့်မယ်”လို့ ပြောပါတယ်။ ဒီအခါ
 မှာ ပါမောက္ခကြီးက ရှေးယခင် တဖ်စီရ်ကျမ်းများရဲ့အမည်တွေကိုရွတ်ပြလျက်
ပြောခဲ့တာက- “မီရ်ဇာမာဟ်မူးဒ်ရဲ့ တဖ်စီရ်ကျမ်းအရည်အသွေးမျိုးရှိတဲ့ တဖ်စီရ်
ဖွင့်ဆိုမှုကို ဘယ်ဘာသာစကားမှာမှ တွေ့နိုင်မှာမဟုတ်ပါဘူး။ အီဂျစ်တို့၊
ဆီးရီးယားတို့ကနေ ခေတ်သစ် တဖ်စီရ်ကျမ်းတွေကို မှာယူလိုက်ပါ။ ပြီးတော့
အဲဒါတွေကို အချိန်ယူဖတ်ရှုပြီး လအနည်းငယ်ကြာမှ ကျွန်တော်နဲ့ ပြောဆို
ဆွေးနွေးကြတာပေါ့။” အာရဗီ၊ ဖာရစီပညာရှင်တွေဟာ ငေးငိုင်လျက်သာ
ရှိကြပါတယ်။”
တစ်ဖန် ဗဟိုတရားရုံးရှေ့နေ စိုင်ယဒ်ဂျာအ်ဖရ်ဟူစိန်ဆာဟိဘ်က
“ဆီဒ်ကေဂျဒီးဒ်”သတင်းစာ အယ်ဒီတာထံသို့ ယခုလို စာရေးသားထားပါတယ်။
နိုင်ငံရေးလှုပ်ရှားမှုတစ်ခုကြောင့် ကျွန်တော် ထောင်ကျခဲ့ပါတယ်။ တတိယနေ့
မှာ ကျွန်တော့်ကို ဖမ်းဆီးချုပ်နှောင်ရတဲ့ အကြောင်းပြချက် ရေးသားထားတဲ့
စာကို ကျွန်တော်ဖတ်ရှုရပါတယ်။ အဲဒီမှာ လွန်ခဲ့တဲ့ ၃ နှစ်၊ ၄ နှစ်ခန့်က
ကျွန်တော်ဖတ်ကြားခဲ့တဲ့ စာတမ်းတွေ ဖြစ်ပါတယ်။ ဆွဲချက်ကတော့
ကျွန်တော်ဟာ အိန္ဒိယအစိုးရရဲ့ အုပ်ချုပ်ရေးမဏ္ဍိုင်ကို ဖြိုချလျက် အစ္စလာမ့်
အုပ်ချုပ်ရေးကို တည်ထောင်ဖို့ ကြိုးစားခဲ့တယ်ဆိုတဲ့ ဆွဲချက်ပါပဲ။ ကျွန်တော်လို
လူဖလံလေးက တောင်လောက်ကြီးမားတဲ့ ဆွဲချက်အတင်ခံရတာကြောင့်
အလွန်မှအံ့ဩခဲ့ရပါတယ်။ ကျွန်တော် တစ်ဖြည်းဖြည်းနဲ့တော့ သဘောပေါက်
လာခဲ့ပါတယ်။ ကျွန်တော့် ဟောပြောမှုစာတမ်းတွေထဲက သူတို့ ပြောတဲ့အတိုင်း
အဓိပ္ပာယ်ကောက်နိုင်တာကို တွေ့ရပါတယ်။ ကျွန်တော် ခင်ဗျား(အယ်ဒီတာ)ကို
ပြောခဲ့သလိုပါပဲ။ ကျွန်တော်ဟာ တဝဲလည်လည်ဖြစ်နေတဲ့ ခရီးသွား
တစ်ယောက်ပါ။ သွားရမယ့်စခန်းက သတ်သတ်မှတ်မှတ်ရှိပေမဲ့ လမ်းကိုတော့
တိတိကျကျမသိထားပါဘူး။ မွတ်စလင်မ်အစည်းအရုံးတွေ အားလုံးရဲ့ အဖြစ်က
လည်း ဒီလိုပါပဲ။”
သူက ဆက်လက်ရေးသားပါတယ်။ “နောက်တစ်နေ့မှာ ကျွန်တော်ဟာ
ထောင်ထဲက မိတ်ဆွေတစ်ဦးယူလာတဲ့ တဖ်စီရေကဘီးရ်ကျမ်းကို ဖတ်ရှုလေ့လာ
ခဲ့ပါတယ်။ ဒီတဖ်စီရ်ကျမ်းထဲမှာ ကျွန်တော်ဟာ ပကတိအစ္စလာမ်ကို တွေ့ခဲ့ရပါ
တယ်။ ကျွန်တော်ရှာဖွေနေတဲ့ အရာအားလုံး ဒီကျမ်းထဲမှာရှိပါတယ်။
 တဖ်စီရေကဘီးရ်ကို ဖတ်ရှုရခြင်းဖြင့် ကျွန်တော်ဟာ ကျမ်းမြတ်ကုရ်အာန်နဲ့
ပတ်သက်လို့ ပထမဆုံးအကြိမ် နားလည်သိရှိခွင့်ရခဲ့ပါတယ်။ အစ္စလာမ်လောက
မှ အိုလမာအားလုံးက အလွန်ကြီးမားတဲ့ ပြဿနာကြီးတစ်ခုလို ပြုလုပ်ထားတာ
ကြောင့် ကျွန်တော့်ရဲ့ မူလအယူအဆတွေကိုစွန့်လွှတ်ပြီး အဟ်မဒီယာ
ဂျမာအတ်ထဲသို့ ဝင်ရောက်ခြင်းကိစ္စဟာ သာမန် ကိစ္စမဟုတ်ပါဘူး။ ဒါပေမဲ့
အမှန်တရားဟာ ထင်ရှားခဲ့ပြီဖြစ်တာကြောင့် ကျွန်တော် ဘာကိုမှ အရေးမစိုက်
တော့ပါဘူး။ ဒီလိုနဲ့ ကျွန်တော်ဟာ “စဂ်ျဒါ”ဦးချလျက် “အရှင်မြတ်
ကျွန်တော်မျိုးကို ဖြောင့်မတ်မှန်ကန်တဲ့လမ်းကို ပြသတော်မူပါ”ဆိုပြီး နေ့ရော
ညပါ ဒိုအာဆုတောင်းခဲ့ပါတယ်။ ဒီအခြေအနေမျိုးနဲ့ ကာလအတန်ကြာသွား
ပါတယ်။ ကျွန်တော်ပြောတာကို မယုံမရှိပါနဲ့။ ကျွန်တော် “စဂ်ျဒါ”ဦးချတဲ့
မြေကြီးဟာ ကျွန်တော့်မျက်ရည်တွေနဲ့ စိုစွတ်နေခဲ့ပါတယ်။ ကျွန်တော့်ရဲ့
ဒိုအာဆုတောင်းတွေ ပြည့်ဝခဲ့တယ်ဆိုတာ ကျွန်တော်ယုံကြည်ပါတယ်။
ဘာကြောင့်လဲဆိုရင် အဟ်မဒီယတ်ကို မှန်ကန်တယ်လို့ ယုံကြည်မှုမှာ
ကျွန်တော်ဟာ အခိုင်အမာရှိလာတာကြောင့်ပါပဲ။ ကာဒီယာန်သို့ စာရေးသား
လျက် ကျွန်တော် ဘိုင်အတ်သစ္စာခံယူလိုကြောင်း ဟာဇရတ် မီယာန်ဝဆီးမ်
အဟ်မဒ်ဆာဟိဘ်ထံ တင်ပြလျှောက်ထားခဲ့ပါတယ်။ ကျွန်တော့်ရဲ့
ထောင်သက်တမ်းအများစုဟာ “ဆီကန်ဒရ်အာဘားဒ်”ထောင်မှာ ကုန်လွန်ခဲ့ရ
ပါတယ်။ အဲဒီမှာ ပညာတတ်မွတ်စလင်မ်မိတ်ဆွေ ထောင်မှူးတစ်ယောက်
ရှိပါတယ်။ သူဟာ အကျဉ်းသားတွေရဲ့ ပေးစာပြန်စာအားလုံးကို ကိုင်တွယ်ရပါ
တယ်။ သူ့ရဲ့ လက်မှတ်ပါတော့မှပဲ အကျဉ်းသားတွေရဲ့ စာကိုပို့ဆောင်ခွင့်ပြု
ပါတယ်။ ကျွန်တော့်ရဲ့ သတ္တိနည်းမှုကြောင့် ကျွန်တော် ကာဒီယာန်ကို
ပို့တဲ့စာတွေကို ထောင်မှူးကို မသိစေလိုခဲ့ပါဘူး။ အကျဉ်းသားအားလုံးဟာ
ကျွန်တော့်ကို အလွန်ချစ်ခင်ကြပြီး ယုံကြည်မှုလည်းရှိကြပါတယ်။ ဒါပေမဲ့
အကျဉ်းခန်းစောင့်ကြပ်သူတွေကလွဲလို့ တစ်ခြားဘယ်သူကမှ ကျွန်တော့်ကို
တွေ့ခွင့်မရှိတာကြောင့် ထောင်အာဏာပိုင်တွေကိုမသိစေဘဲ ကျွန်တော့်စာတွေ
ကို ကာဒီယာန်သို့ ပို့နိုင်ခဲ့ပါတယ်။ ဒါပေမဲ့ ကာဒီယာန်မှ လာတဲ့စာတွေကတော့
ထောင်မှူးကတစ်ဆင့်ပဲလာရပါတယ်။ ဒီလိုနဲ့ ကာဒီယာန်မှ ဘိုင်အတ်ဖောင်
 (ဘိုင်အတ်ယူသည့်အခါ ဖြည့်စွက်ရသောပုံစံ) ရောက်လာပါတယ်။ အကျဉ်း
စခန်းတစ်ခုလုံး ပွက်လောရိုက်သွားပါတယ်။ ဘာကိုမှ လျှို့ဝှက်ထားလို့ မရတော့
ပါဘူး။ နောက်ဆုံး ထောင်မှူးက ကျွန်တော့်ထံရောက်လာပါတယ်။ ကျွန်တော့်ရဲ့
စာနဲ့အတူ ဘိုင်အတ်ပုံစံကလည်း သူ့လက်ထဲမှာ ပါလာပါတယ်။ သူဟာ
ကျွန်တော့်ကို ကိုယ်ချင်းစာစိတ်အပြည့်နဲ့ စကားပြောခဲ့ပါတယ်။ “ခင်ဗျားဘာတွေ
လုပ်နေတာလဲ။ အဲဒီ ကုရ်အာန်တဖ်စီရ်ကို ဖယ်ထားလိုက်ပါ၊ ခင်ဗျားကို
ကျွန်တော် မော်လာနာ အဘူကလာမ်အာဇားဒ်နဲ့ မော်လာနာ မောင်ဒူဒီတို့ရဲ့
ကုရ်အာန်တဖ်စီရ်ကျမ်းကိုပေးဖတ်ပါ့မယ်၊ ဒီတော့မှ ခင်ဗျားရဲ့ အတွေးအခေါ်
တွေ တည့်မတ်သွားလိမ့်မယ်”လို့ ပြောပါတယ်။ ဒီလိုနဲ့ သူဟာ တဖ်စီရ်နှစ်ခုလုံး
ကို ယူလာပါတယ်။ တကယ်တော့ အဲဒါတွေက တဖ်စီရ်မဟုတ်ပါဘူး။
ဘာသာပြန်အဆင့်လောက်ပါပဲ။ တစ်ချို့နေရာတွေမှာသာ ရှင်းလင်းချက်တွေ
ပါတာပါ။ ဘိုင်အတ်ဖောင်ကိုဖြည့်ပြီး မပို့ခင်မှာ ကျွန်တော်ဟာ ထိုကျမ်းနှစ်ခုလုံး
ကို လေ့လာခဲ့ပါတယ်။ တဖ်စီရေကဘီးရ်ကို ဖတ်ရှုသင်ယူထားခဲ့ပြီးဖြစ်တာ
ကြောင့် ကျွန်တော်ဟာ ထိုကျမ်းနှစ်ခုမှာ ဖွင့်ဆိုထားတဲ့ ရှင်းလင်းချက်တွေနဲ့
ပတ်သက်လို့ ဝေဖန်ထောက်ပြနိုင်တဲ့အထိ တိုးတက်လာခဲ့ပါတယ်။ ဒီလိုနဲ့
ကျွန်တော်ဟာ ထောင်မှူးကိုခေါ်လျက် ထိုတဖ်စီရ်ကျမ်းနှစ်ခုရဲ့ ဘယ်နေရာမှာ
ဖြင့် သံသယတွေရှိနေတယ်၊ ဘယ်နေရာတွေမှာဖြင့် အဓိပ္ပာယ်က မှားယွင်းနေ
တယ်၊ ဘယ်နေရာတွေမှာဖြင့် အဓိပ္ပာယ်ကို ကန့်သတ်ထားတယ် စသဖြင့်
ထောက်ပြခဲ့ပါတယ်။ ကျွန်တော်ဟာ ယခုလို အလွယ်တကူ ထောက်ပြနိုင်ခဲ့ရ
တာကလည်း တဖ်စီရေကဘီးရ်ထဲမှာ ကုရ်အာန်ရဲ့စကားလုံးအဓိပ္ပာယ်
ဖွင့်ဆိုချက်တွေ ပါရှိတာကြောင့်ပါပဲ။  (သန့်ရှင်းစင်ကြယ်
အောင်ပြုပေးခြင်းခံရသူတို့မှတစ်ပါး မည်သူမျှ ယင်းကို ထိတွေ့နိုင်ကြမည်
မဟုတ်ချေ။ ၅၆း၈၀) တကယ်တော့ သန့်ရှင်းစင်ကြယ်သူတို့သာလျှင် ကျမ်းမြတ်
ကုရ်အာန်ရဲ့ အနက်သဘောကို နားလည်နိုင်ပါလိမ့်မယ်။”
ထပ်မံ၍ သူရေးသားသည်မှာ- “ကျွန်တော် ယခုလို အကျယ်တဝင့်ရေးသား
လိုက်ရခြင်းအကြောင်းက အလျင်စလို ဘိုင်အတ်ယူခဲ့တယ်ဆိုပြီး ကျွန်တော့်ကို
အပြစ်မတင်နိုင်စေဖို့ဖြစ်ပါတယ်။ ကျွန်တော်ဟာ အခြားသူတွေရဲ့ တဖ်စီရ်တွေ
 ကိုလည်း ဖတ်ရှုလေ့လာခဲ့ပါတယ်။ ပြီးတော့ တဖ်စီရေကဘီးရ်နဲ့
နှိုင်းယှဉ်ကြည့်ခဲ့ပါတယ်။ ဒီလိုနဲ့ ကျွန်တော်ဟာ ဘိုင်အတ်ဖောင်ကို
ကာဒီယာန်သို့ပေးပို့လျက် ဒိုအာဆုတောင်းမှုမှာပဲ စူးစိုက်နေခဲ့ပါတယ်။
ကျွန်တော့်ရဲ့ ဘိုင်အတ်ကို လက်ခံပါ့မလားလို့ စိုးရိမ်နေခဲ့ပါတယ်။ ကျွန်တော့်ရဲ့
စိုးရိမ်မှုကလည်း မမှားပါဘူး။ ကျွန်တော့်ရဲ့ ဘိုင်အတ်ကို လက်မခံခင် ခလီဖာ
သခင်ကြီးက “အဟ်မဒီမွတ်စလင်မ်တစ်ဦးဟာ အုပ်ချုပ်သူအစိုးရအပေါ်
သစ္စာရှိရမယ်၊ ဥပဒေဘောင်ထဲကနေ အလုပ်လုပ်ရမယ်”ဆိုပြီး မိန့်ကြားတော်မူ
ပါတယ်။ ကျွန်တော်က “သခင်ကြီး၊ ဒီအကြောင်းတွေကို တဖ်စီရေကဘီးရ်ကျမ်း
က ကျွန်တော့်ရဲ့နှလုံးသားမှာ စွဲထင်စေခဲ့ပါပြီ”လို့ဖြေကြားလိုက်ပါတယ်။ ရက်
အနည်းငယ်ကြာမှာ ကျွန်တော့်ရဲ့ဘိုင်အတ်ကို လက်ခံလိုက်ပြီဆိုတဲ့အကြောင်း
သိခဲ့ရပါတယ်။ ကျွန်တော်ဟာ(ဝမ်းသာပျော်ရွှင်မှုကြောင့်) “စဂ်ျဒါ”ပြုခဲ့ပါတယ်။”
သူက ဆက်လက်ရေးသားပါတယ်။ “တဖ်စီရေကဘီးရ်ရဲ့တစ်နေရာမှာ ကျွန်တော်
ဖတ်လိုက်ရပါတယ်။ ကတိတော်ထားရ ခလီဖာဟာ“အကျဉ်းခံတွေရဲ့
လွတ်မြောက်ရာအကြောင်း”ဖြစ်လိမ့်မယ်ဆိုတာ သိရပါတယ်။ ကျွန်တော်ဟာ
သခင်ကြီးထံ “ကျွန်တော်မျိုး လွတ်မြောက်မှုရဖို့အတွက် ဒိုအာပြုလုပ်ပါ”လို့
ပန်ကြားခဲ့ပါတယ်။ ခလီဖာသခင်ကြီးက “အလ္လာဟ်အရှင်မြတ်၊ ခင်ဗျားကို
လွတ်မြောက်မှုရစေဖို့အတွက် စီစဉ်ပေးတော်မူပါစေ”ဆိုပြီး ဒိုအာပြုလုပ်ခဲ့
ပါတယ်။ ရက်အနည်းငယ်ကြာမှာပဲ ကျွန်တော် လွတ်မြောက်သွားခဲ့ပါတယ်။
ဒီလိုကြောင့် ကတိတော်လာခလီဖာသခင်နဲ့စပ်လျဉ်းလို့ “သူသည် အကျဉ်းခံတို့၏
လွတ်မြောက်ရာအကြောင်းခံဖြစ်လိမ့်မည်”ဆိုတဲ့ ကြိုတင်ဗျာဒိတ်ပြည့်စုံခြင်း
အတွက် ကျွန်တော်ဟာ သက်ရှိထင်ရှားဖြစ်တဲ့ သက်သေပါပဲ။”
တစ်ဖန် အနောက်တိုင်းမှပညာရှင်၊ အရှေ့တိုင်းရေးရာကျွမ်းကျင်သူ၊ အာရဗီ၊
ဖာရစီနှင့် အစ္စလာမ်ရေးရာ လေ့လာသူ  A J Arberry က ကျမ်းမြတ်ကုရ်အာန်
အင်္ဂလိပ်ဘာသာပြန်နှင့် အကျယ်ရှင်းလင်းချက် ငါးစောင်တွဲနှင့်စပ်လျဉ်းလို့
ယခုလို ပြောကြားခဲ့ပါတယ်။ “ဤကျမ်းမြတ်ကုရ်အာန် ဘာသာပြန်နှင့်
အကျယ်ရှင်းလင်းချက်ကျမ်းဟာ အလွန်ကြီးကျယ်တဲ့ စွမ်းဆောင်ချက်ပါပဲ။ ယခု
လက်ရှိစာအုပ်အတွဲ(၁)ဟာ ထိုကြီးမားတဲ့ စွမ်းဆောင်ချက်တွေရဲ့ ပထမအဆင့်
 ဖြစ်ပါတယ်။ ၁၅ နှစ်ခန့်ကြာမြင့်ခဲ့ပါပြီ။ အဟ်မဒီယာဂျမာအတ်ရဲ့ သုတေသီ
ပညာရှင်တွေက ဟာဇရတ်မီရ်ဇာမာဟ်မူးဒ်အဟ်မဒ်သခင်ရဲ့ နှိုးဆော်တိုက်တွန်း
မှုအောက်မှာ ဒီလုပ်ငန်းကြီးကိုစတင်ဆောင်ရွက်ခဲ့ကြတာဖြစ်ပါတယ်။ အလွန်
မြင့်မားတဲ့လုပ်ငန်းဖြစ်ပါတယ်။ ကျမ်းမြတ်ကုရ်အာန်ရဲ့ စာသားတွေကို
အပြည့်အဝ မှန်ကန်စွာဖြင့် အင်္ဂလိပ်ဘာသာပြန်ဆိုမှုလည်းရှိရမှာဖြစ်သလို
ဘာသာပြန်နှင့်တကွ မုက္ခပါဌ်တော်တွေရဲ့ အကျယ်ရှင်းလင်းချက်တွေလည်း
ပါရှိရမှာဖြစ်ပါတယ်။ ယခုလက်ရှိပထမတွဲမှာ ကျမ်းမြတ်ကုရ်အာန်မှ
ပထမဦးဆုံး ဆူရာဟ် ၉ ခု ပါဝင်ပါတယ်။ အဦးအစမှာ ရှည်လျားတဲ့ နိဒါန်းပျိုး
အမှာစာပါရှိပါတယ်။ ဒါကို မီရ်ဇာဘရှီးရွတ်ဒီးန်ဆာဟိဘ် ကိုယ်တိုင်က
ရေးသားခဲ့တာဖြစ်ပါတယ်။ ဒီတဖ်စီရ်ကျမ်းမှာ ရေးသားချက်ဟူသမျှဟာ
အဟ်မဒီယာဂျမာအတ်ကို တည်ထောင်သူပုဂ္ဂိုလ်ရဲ့ ရေးသားချက်များ၊ မိန့်ကြား
ချက်များမှ ဉာဏ်စဉ်အသိထူးများရဲ့ ရောင်ပြန်သာဖြစ်ကြောင်း ထိုနိဒါန်းမှာ
ရေးသားထားပါတယ်။ ဒါ့အပြင် ပထမခလီဖာသခင်နှင့် အသင်းတော်ကို
တည်ထောင်သူ၏ ဒုတိယခလီဖာတို့ရဲ့ ရှင်းလင်းဖွင့်ဆိုချက်များလည်း
ဖြစ်ပါတယ်။ ဒါကြောင့် ဒီဘာသာပြန်ချက်နဲ့ ဒီရှင်းလင်းဖွင့်ဆိုချက်ဟာ
ကျမ်းမြတ်ကုရ်အာန်နဲ့ပတ်သက်လို့ အဟ်မဒီယာဂျမာအတ်ရဲ့ အမြင်ကို
ကိုယ်စားပြုထားတဲ့ မှန်ကန်တဲ့ အတွေးအမြင်တွေပဲ ဖြစ်ပါတယ်။”
တစ်ဖန် အာရဗ်တိုင်းသားတို့အနက်မှလည်း ရေးသားချက်တွေရှိပါတယ်။
ဆီးရီးယားမှ ဒေါက်တာအနားစ်က အခုလို ရေးသားလိုက်ပါတယ်။
“အမှန်တရားနှင့် အလင်းရောင်ကို ရှာဖွေရင်းက အိုလမာ အသီးသီးရဲ့ စာအုပ်
တွေ၊ တဖ်စီရ်တွေကို ဖတ်ရှုခဲ့ရပါတယ်။ အဲဒီမှာ စွလ်တာနွလ်အာရေဖီးန်
မုဟီယွတ်ဒီးန် အိဗ်နေအာရဗီ၊ မူဟမ္မဒ်ဗင်အလီ အလ်-ဟာတမီ အစရှိသဖြင့်
ပါရှိပါတယ်။ ဒါပေမဲ့ မီရ်ဇာဘရှီးရွတ်ဒီးန်မာဟ်မူးဒ်အဟ်မဒ်ရဲ့ တဖ်စီရ်ထဲမှာ
တွေ့ရှိရတဲ့ အရသာမျိုး အခြား မည်သည့်တဖ်စီရ်ထဲမှာမှ မတွေ့ရပါဘူး။
မိမိကိုယ်တိုင်၏ဝိညာဉ်နှင့် ခန္ဓာတို့ဖြင့် ကိုယ်တွေ့ကြုံကြိုက်ခဲ့ရတဲ့ ရူပါယုံ
မြင်ကွင်းတွေနဲ့စပ်လျဉ်းလို့ ရှင်းလင်းချက်တွေကို ကျွန်တော်ရှာဖွေနေခဲ့ပါတယ်။
ဒိနောက် ဂျမာအတ်ရဲ့ တနဘျငအန ထဲမှ တဖ်စီရေကဘီးရ်ကို လေ့လာခဲ့ပါတယ်။
 ဒီထဲမှာ အဟ်မဒီတွေရဲ့ အလင်းရောင်၊ မှန်ကန်မှုတို့ကို တွေ့ရှိခဲ့ရပြီး အဲဒါကပဲ
ကျွန်တော့်နှလုံးသားကို ညှို့ယူဖမ်းစားသွားခဲ့ပါတယ်။”
တစ်ဖန် မော်ရိုကိုမှ ဂျမားလ်ဆာဟိဘ်က ရေးသားပါတယ်။ သူဟာ
စတုတ္ထခလီဖာသခင်နှင့် ကာလကြာရှည်စွာ စာပေးစာယူရှိခဲ့ပါတယ်။
သူပြောပြတာက- “အခုလို စာပေးစာယူရှိနေချိန်ကာလအတွင်းမှာပဲ
ကျွန်တော့်ထံ တဖ်စီရေကဘီးရ် အတွဲ(၁)ကို လက်ဆောင်အဖြစ် ဌာနချုပ်မှ
ပို့လိုက်ပါတယ်။ ကျွန်တော်ဟာ ဒီတဖ်စီရ်ကို ဖတ်ရှုတဲ့အခါ၊ ပြီးတော့
အခြားသော တဖ်စီရ်ကျမ်းတွေနဲ့ ယှဉ်ထိုးကြည့်တဲ့အခါ ကောင်းကင်နဲ့
မြေကြီးလောက် ကွာခြားနေတာကိုတွေ့ရပါတယ်။ ဒီ(တဖ်စီရေကဘီးရ်)ကျမ်း
ထဲမှာက အလ္လာဟ်အရှင်မြတ်ထံတော်မှပေးသနားတဲ့ အသိပညာများနဲ့
ဉာဏ်စဉ်အသိထူးများဖြင့်ပြည့်လျက်ရှိပြီး “ရှရီအတ်”တရားတော်ရဲ့ အနှစ်သာရ
ကို တင်ပြထားပါတယ်။ ဒါပေမဲ့ ကျန်တဲ့တဖ်စီရ်ကျမ်းတွေမှာတော့
အခွံသက်သက်နဲ့တင် ကျေနပ်စေခဲ့ပါတယ်။ “တဖ်စီရေကဘီးရ်”ကို လေ့လာခြင်း
ဖြင့် ကျွန်တော့်စိတ်ထဲမှာ အစ္စလာမ်ရဲ့ လှပတင့်တယ်တဲ့ ပုံရိပ်ကို
ရေးစွဲပေးခဲ့တာကြောင့် ထိုပုံရိပ်ဟာ ဝိညာဉ်သို့တိုင် ထွင်းဖောက်နိုင်ခဲ့ပါတယ်။”
ယခု ဆက်လက်ပြီး မွတ်စ်လေမော်အူးဒ်သခင်ကြီးရဲ့ မိန့်ခွန်းတွေနဲ့ပတ်သက်လို့
နားဆင်ရသူတွေထံမှ ကျေနပ်အားရမှုကြောင့် ရင်ဖွင့်ပြောစကားတွေကို
တင်ပြပါ့မယ်။
ပန်ဂျပ်ပြည်နယ် စာပေအစည်းအရုံးနှင့်ဆက်နွယ်ပြီး မွတ်စ်လေမော်အူးဒ်
သခင်က လာဟိုရ်မြို့မှာ မိန့်ခွန်း(၂)ခု ပြောကြားဖို့ လက်ခံလိုက်ပါတယ်။
သခင်ကြီးရဲ့ ပထမ မိန့်ခွန်းက “ကမ္ဘာ့ဘာသာစကားများတွင် အာရဗီဘာသာ
စကား၏ အဆင့်အတန်းမြင့်မားမှု”ဆိုတဲ့ ခေါင်းစဉ်ဖြစ်ပါတယ်။ ၁၉၃၄ ခုနှစ်
မေလ ၃၁ ရက်နေ့မှာ လာဟိုရ်မြို့ Yဃြဗ ခန်းမ၌ မိန့်ကြားခဲ့ပါတယ်။
“အစ္စလာမီယာ”ကောလိပ် ပါမောက္ခချုပ် ဒေါက်တာ ဘရ်ကတ်အလီဆာဟိဘ်
ကူရိုက်ရှီ က သဘာပတိအဖြစ် ဆောင်ရွက်ခဲ့ပါတယ်။ သခင်ကြီးရဲ့ မိန့်ခွန်းဟာ
တစ်နာရီခွဲခန့် ကြာမြင့်ပါတယ်။ ပရိသတ်က အပြည့်အဝ အာရုံစူးစိုက်လျက်
 နားဆင်ခဲ့ကြပါတယ်။ သဘာပတိက ကျေးဇူးတင်စကား ပြောကြားလျက်
ပရိသတ်အား သခင့်ရဲ့မိန့်ခွန်းမှ အကျိုးရှိရှိအသုံးချဖို့ တိုက်တွန်းနှိုးဆော်ခဲ့
ပါတယ်။ ပြီးတော့ ယခုလို ပညာရပ်ဆိုင်ရာအကြောင်းအရာတွေကို နောက်ထပ်
လည်း နားထောင်ဖို့ဆန္ဒရှိကြောင်း ထုတ်ဖော်ပြောကြားသွားပါတယ်။
ပရိသတ်ထဲမှာ ပညာရပ်အသီးသီးက ပညာရှင်တွေ၊ ဌာနအသီးသီးမှ ပုဂ္ဂိုလ်တွေ
ပါဝင်ပါတယ်။
ကရှ်မီးရ်ပြည်နယ် တရားသူကြီးချုပ်ဟောင်း လာလာကမရ်ဆင့်ဂ်လည်း
ထိုအခမ်းအနားသို့ တက်ရောက်ခဲ့ပါတယ်။ သူက မွတ်စ်လေမော်အူးဒ်သခင်ရဲ့
မိန့်ခွန်းနဲ့ သဘာပတိမိန့်ခွန်းတွေ ပြီးနောက်မှာ သူ့ရဲ့ ကျေးဇူးတင်စကား
ကိုလည်း အင်္ဂလိပ်ဘာသာစကားဖြင့် ပြောကြားသွားပါတယ်။ သူပြောကြားခဲ့
တာက “ယနေ့ မိန့်ခွန်းမြွက်ကြားသွားတဲ့ပုဂ္ဂိုလ်ဟာ အာရဗီဘာသာစကားနဲ့
စပ်လျဉ်းလို့ အလွန်စိတ်ဝင်စားဖွယ်၊ အလွန်ကောင်းမွန်စွာ တင်ပြသွားတာကို
နားဆင်ရလျက် ကျွန်တော် အလွန်မှ ဝမ်းမြောက်ဝမ်းသာဖြစ်မိပါတယ်။
ကျွန်တော် ဒီမိန့်ခွန်းကိုနားထောင်ဖို့ လာစဉ်တုန်းကတော့ ယနေ့လည်းပဲ
အာရဗီဘာသာစကားနဲ့ပတ်သက်လို့ ယခင်က ပုဂ္ဂိုလ်တွေလိုပဲ ပြောမှာပါပဲလို့
တွေးခဲ့မိပါတယ်။ တစ်ခါက အာရဗ်တစ်ယောက်ထံမှာ အာရဗီဘာသာစကားနဲ့
ပတ်သက်လို့ ဘာတွေများ ထူးကဲသာလွန်မှုရှိသလဲလို့မေးကြည့်တဲ့အခါ သူက
(၃)မျိုးသောအကြောင်းကြောင့် အာရဗီဘာသာစကားဟာ ထူးကဲသာလွန်မှု
ရှိနေရခြင်းဖြစ်တယ်။ (၁) ကျွန်တော်ဟာ အာရဗ်တိုင်းပြည်မှာ နေထိုင်တဲ့
အတွက်ဖြစ်တယ်။ (၂) အာရဗီဟာ ကျမ်းမြတ်ကုရ်အာန်ရဲ့ ဘာသာစကား
ဖြစ်တယ်။ (၃) “ဂျန္နတ်”မှာ အာရဗီလိုပဲ ပြောဆိုကြမှာကြောင့် ဖြစ်တယ်လို့
ဖြေပါတယ်။ ဒီတော့ ကျွန်တော်ကလည်း ယနေ့ မိန့်ခွန်းမှာဖြင့် ဒီလို
စကားတွေပဲ ပြောမှာပါပဲလို့ ထင်ခဲ့မိပါတယ်။ ဒါပေမဲ့ အမှန်တကယ်
နားထောင်ကြည့်တဲ့အခါ မိန့်ခွန်းဟာ အလွန် ပညာပိုင်းမြင့်မားပြီး၊ နက်နဲတဲ့
အတွေးအခေါ်တွေနဲ့ ပြည့်လျက်ရှိပါတယ်။ ကျွန်တော်ဟာ မီရ်ဇာဆာဟိဘ်ရဲ့
မိန့်ခွန်းမှ စကားလုံး တစ်လုံးချင်းကို သေသေချာချာ အာရုံစူးစိုက်လျက်
နားထောင်ခဲ့တယ်ဆိုတာကို ပြောလိုပါတယ်။ ဒီမိန့်ခွန်းကြောင့် ကျွန်တော့်မှာ
 အများကြီးအကျိုးရှိပါတယ်။ ဒီမိန့်ခွန်းဟာ အချိန်ကာလကြာရှည်စွာ ကျွန်တော့်
စိတ်ထဲမှာ စွဲထင်နေမယ်လို့ မျှော်လင့်ပါတယ်။”
တစ်ဖန် လာဟိုရ်မြို့ “အစ္စလာမီယာ”ကောလိပ်မှ ဒု-ကျောင်းအုပ် စိုင်ယဒ်
အဗ်ဒွလ်ကာဒိရ်ဆာဟိဘ်က အစ္စလာမီယာ တက္ကသိုလ်မှ ရိုက်နှိပ်ဖြန့်ချိလိုက်
သော “အစ္စလာမ်နှင့် ကွန်မြူနစ်ဝါဒ” စာတမ်း၌ အခုလို မှတ်ချက်ပြုရေးသားခဲ့
ပါတယ်။ “အဟ်မဒီယာမွတ်စလင်မ်ဂျမာအတ်ရဲ့ဦးစီးခေါင်းဆောင် မီရ်ဇာ
ဘရှီးရွတ်ဒီးန် မာဟ်မူးဒ်အဟ်မဒ်ဆာဟိဘ်ရဲ့ “အစ္စလာမ့်စီးပွားရေးစနစ်နှင့်
ကွန်မြူနစ်ဝါဒ”ခေါင်းစဉ်ဖြင့် မိန့်ခွန်းကို နားဆင်ခွင့်ရရှိခဲ့ပါတယ်။ ဒီမိန့်ခွန်းဟာ
သခင့်ရဲ့ အခြားသော မိန့်ခွန်းများနည်းတူ ပညာပိုင်းဆိုင်ရာ ပြည့်လွှမ်းလျက်
ရှိပြီး အတွေးအမြင်ပိုင်းကို လင်းလက်တောက်ပစေတဲ့ မိန့်ခွန်းတစ်ခု ဖြစ်ပါ
တယ်။ မီရ်ဇာဆာဟိဘ်ဟာ အလ္လာဟ်အရှင်မြတ်ထံတော်မှ ပေးသနားထားတဲ့
စွမ်းရည်များကို ပိုင်ဆိုင်ထားသူဖြစ်ပါတယ်။ ယခု မိန့်ကြားသွားတဲ့ ဒီခေါင်းစဉ်
အောက်က ရှုထောင့်ဟူသမျှကိုလည်း သခင်ဟာ အပြည့်အဝ ပိုင်ပိုင်နိုင်နိုင်
သိရှိထားသူဖြစ်ပါတယ်။ ဒီလိုကြောင့် သခင့်ရဲ့ အတွေးအမြင်တွေကို ကျွန်တော်
တို့ဘက်က တန်ဖိုးထားလျက် အာရုံစိုက်ဖို့ သင့်ပါတယ်။”
သခင်ကြီးရဲ့ ဒီစာအုပ်ကို ပြင်ပလောကမှာလည်း ဖြန့်ချိဖို့လိုအပ်ပါတယ်။
“အစ္စလာမ့်စီးပွားရေးစနစ်”ကို မော်လာနာ မောင်ဒူဒီက တင်ပြခဲ့တယ်လို့
အများကယူဆနေကြပါတယ်။ တကယ်တော့ သူမတိုင်ခင် နှစ်များစွာအရင်
ကတည်းက ဟာဇရတ် မွတ်စ်လေမော်အူးဒ်(W)က ဒီအကြောင်းအရာနဲ့
စပ်လျဉ်းလို့ နက်နက်ရှိုင်းရှိုင်းတင်ပြခဲ့တာဖြစ်ပါတယ်။ ဒါကို စာအုပ်အဖြစ်
လည်း ထုတ်ဝေထားပါတယ်။ အင်္ဂလိပ်ဘာသာပြန်နဲ့လည်း ထုတ်ဝေထားပါ
တယ်။ အင်္ဂလိပ်စာပေတတ်ကျွမ်းသူ အဟ်မဒီတွေက ဒီစာအုပ်ကို ဖတ်ရှု
လေ့လာသင့်ပါတယ်။ ဒါ့အပြင် စီးပွားရေးနယ်ပယ်မှာ စိတ်ဝင်စားသူတွေ
ကိုလည်း ဒီစာအုပ်ကို ပေးဖတ်သင့်ပါတယ်။
တစ်ဖန် လာလာရာမ်ချန့်ဒ်က သူ့ရဲ့သဘာပတိမိန့်ခွန်းမှာ မွတ်စ်လေမော်အူးဒ်
သခင်ရဲ့ “အစ္စလာမ့်စီးပွားရေးစနစ်”မိန့်ခွန်းနဲ့စပ်လျဉ်းလို့ အခုလို ဖွင့်ဟပြော
 ကြားသွားပါတယ်။ “ကျွန်တော်အဖို့ ဤမျှ တန်ဖိုးမြင့်မားတဲ့ မိန့်ခွန်းကို
နားထောင်ခွင့်ရတဲ့အတွက်  အလွန်ကံကောင်းသူလို့ ခံယူပါတယ်။ ပြီးတော့
အဟ်မဒီယာအဖွဲ့အစည်းဟာ တိုးတက်မှုရှိနေတာကို တွေ့ရတာကြောင့်
ကျွန်တော် ဝမ်းမြောက်ပါတယ်။ အံ့ဩဖွယ်ကောင်းလောက်အောင်
တိုးတက်မှုရှိနေပါတယ်။ ယခု ခင်ဗျားတို့ နားဆင်ခဲ့ရတဲ့ မိန့်ခွန်းထဲမှာလည်း
သခင်ကြီးက အလွန်အဖိုးထိုက်တန်ပြီး ဆန်းသစ်တဲ့ အကြောင်းအရာတွေကို
မိန့်ကြားသွားခဲ့ပါတယ်။ ဒီမိန့်ခွန်းကြောင့် များစွာ အကျိုးရှိပါတယ်။ ယခင်က
ကျွန်တော်ယူဆခဲ့တာက အစ္စလာမ့်ဥပဒေဟာ မွတ်စလင်မ်တွေအတွက်လောက်
ပဲ၊ မွတ်စလင်မ်မဟုတ်သူတွေအတွက် ဘယ်လိုအခွင့်အရေး ပြဋ္ဌာန်းချက်မှ
မရှိဘူးလို့ မှားယွင်းစွာယူဆခဲ့ပါတယ်။ ယခု အဟ်မဒီယာဂျမာအတ်ရဲ့ ဦးစီး
ခေါင်းဆောင်ရဲ့ မိန့်ခွန်းအားဖြင့် သိခဲ့ရတာက အစ္စလာမ်ဟာ လူသားအားလုံး
တန်းတူညီမျှမှု သွန်သင်ချက်ကို ပြဋ္ဌာန်းကြောင်းသိခဲ့ရပါတယ်။ ဒါကို
ကြားရတာကြောင့် ကျွန်တော့်မှာ ဝမ်းမြောက်ဝမ်းသာဖြစ်မိပါတယ်။ ဒါကြောင့်
ယခုကဲ့သို့သော အစ္စလာမ်ကို ကြည်ညိုလေးစားမှုပြုဖို့အတွက် ခင်ဗျားတို့မှာ
ဘာများဝန်လေးစရာရှိသလဲလို့ မွတ်စလင်မ်မဟုတ်တဲ့ မိတ်ဆွေတွေကို
ကျွန်တော် ပြောလိုက်ပါ့မယ်။”
ထို့နောက် သူက ဆက်လက်ပြောကြားသည်မှာ- “ကျွန်တော်တို့ကို အလွန်မြင့်
မားတဲ့ အသိဉာဏ်ပညာတို့ဖြင့် ပြည့်ဝတဲ့ မိန့်ခွန်းမြွက်ကြားပေးခဲ့တဲ့အတွက်
အဟ်မဒီယာဂျမာအတ်ရဲ့ဦးစီးခေါင်းဆောင်ကို အကြိမ်ပေါင်းများစွာ ကျေးဇူး
တင်စကား ပြောကြားလိုပါတယ်။”
အထက်မှာ တင်ပြခဲ့တာတွေဟာ မွတ်စ်လေမော်အူးဒ် အနာဂတ္တိဗျာဒိတ်မှ
“သူ့အား ရုပ်ပိုင်း၊ နာမ်ပိုင်း ပညာရပ်အလုံးစုံတို့ဖြင့် ဖြည့်တင်းပေးမည်”ဆိုတဲ့
နိမိတ်လက္ခဏာတစ်ခုတည်းကို တင်ပြခဲ့ရခြင်းဖြစ်ပါတယ်။ အလ္လာဟ်အရှင်မြတ်
သည် ကျွန်တော်တို့အားလုံးကို ဟာဇရတ် မွတ်စ်လေမော်အူးဒ်သခင်
ပေးသွားခဲ့တဲ့ အသိပညာဉာဏ်စဉ်တွေကို ဖတ်ရှုနိုင်ရန် စွမ်းအားပေးတော်မူ
ပါစေ။ ဒါ့အပြင် ကဏ္ဍအသီးသီးအတွက် သခင်ကြီး မိန့်ကြားတော်မူခဲ့တဲ့
 အကြောင်းအရာများကို အကျိုးရှိစွာအသုံးချနိုင်စွမ်း အရှင်မြတ် ပေးသနားတော်
မူပါစေ။ -အာမီးန်-


ယနေ့ ဂျွမ္မာနမာဇ်အပြီးမှာ ဂျနာဇာဃာအိဗ်တစ်ခု ဝတ်ပြုမှာဖြစ်ပါတယ်။
မွတ်စ်လေမော်အူးဒ်သခင်နှင့် ဟာဇရတ် စာရာဘေဂမ်တို့မှ မွေးဖွားခဲ့တဲ့
Sahibzada Mirza Hanif Ahmad ရဲ့ ဂျနာဇာဖြစ်ပါတယ်။ ဖေဖော်ဝါရီလ ၁၇
ရက်၊ အသက် ၈၂ နှစ်အရွယ်၌ ရဗ်ဝါရှိ “တာဟိရ်”နှလုံးအထူးကုဆေးရုံမှာ
ကွယ်လွန်သွားခဲ့တာဖြစ်ပါတယ်။  ကျွန်တော်(ခလီဖာသခင်)ရဲ့
ဦးလေးတော်သူ ဖြစ်ပါတယ်။
သူဟာ ၁၉၃၂ ခုနှစ်၊ မတ်လ ၂၄ ရက်နေ့မှာ မွေးဖွားခဲ့ပါတယ်။ ဟာဇရတ်
မွတ်စ်လေမော်အူးဒ်(W)က သားတော်အားလုံးကို “ဝကားဖ်”ပြုလုပ်ခဲ့သလိုပဲ
သူ့ကိုလည်း ငယ်စဉ်ကတည်းက “ဝကားဖ်”ပြုလုပ်ခဲ့ပါတယ်။ ဒီလိုအားဖြင့် သူ့ရဲ့
သွန်သင်ပဲ့ပြင်မှုနှင့် ပညာရေးလမ်းကြောင်းကို ပျိုးထောင်ပေးခဲ့ပါတယ်။ သူဟာ
ကာဒီယာန်မှ “မဒရ်ဆာအဟ်မဒီယာ”နှင့် “ဂျာမေအတွလ်မုဘာရှရီးန်”
ကျောင်းများ၌ ပညာသင်ကြားခဲ့ပါတယ်။ တက္ကသိုလ်ဝင်တန်းကိုအောင်မြင်ပြီး
နောက် ၁၉၅၈ ခုနှစ်မှာ ဘီအေအောင်ခဲ့ပါတယ်။ သူဟာ ၁၉၆၂ ခုနှစ်မှာ
ဂျမာအတ်လုပ်ငန်းစဉ်ဖြင့် ပြည်ပသို့ ထွက်ခွာသွားခဲ့ပါတယ်။ ၁၉၆၂ မှ ၁၉၆၉
ထိ ဆီရာလီယွန်နိုင်ငံ အလယ်တန်းကျောင်း၌ ကျောင်းအုပ်အဖြစ် တာဝန်
ထမ်းဆောင်ခဲ့ပါတယ်။ ပညာအရည်အချင်းမြင့်မားတဲ့ပုဂ္ဂိုလ် ဖြစ်ပါတယ်။ နှစ်
၂၀ ကြာမျှ ကြိုးပမ်းလေ့လာပြီးနောက် မဆီဟ်မော်အူးဒ်(ဌ)သခင်ကြီး၏
မိန့်ကြားချက်များ၊ အူရ်ဒူ၊ ဖာရစီ၊ အာရဗီ လင်္ကာများ၊ ကြိုတင်ဗျာဒိတ်များမှ
ကောက်နုတ်လျက် “မဆီဟ်မော်အူးဒ်(ဌ) ပေးခဲ့သော ကုရ်အာန်အသိပညာ”
အမည်ဖြင့် ထူထဲသော စာအုပ်ကောင်း တစ်အုပ်ကို ပြုစုခဲ့ပါတယ်။ ဒီစာအုပ်ကို
၂၀၀၄ ခုနှစ်မှာ ရိုက်နှိပ်ဖြန့်ချိခဲ့ပါတယ်။ ထိုနည်းတူစွာပဲ မဆီဟ်မော်အူးဒ်(ဌ)
သခင်ကြီးရဲ့ အာရဗီ၊ ဖာရစီ၊ အူရ်ဒူလင်္ကာများမှ ကောက်နုတ်လျက်
“အဒဗွလ်မဆီဟ်” အမည်ဖြင့် ရေးသားခဲ့ပါတယ်။

 သူဟာ ၁၉၅၉ ခုနှစ်မှာ မိုကရမ် စိုင်ယဒ်ဇိုင်နွလ်အာဗေဒီန်း ဝလီယွလ္လာဟ်
ရှားဟ်ဆာဟိဘ်ရဲ့သမီးတော် တာဟေရာဟ်ဘေဂမ် ဆာဟေဘာနဲ့ လက်ထပ်
ထိမ်းမြားခဲ့ပါတယ်။ သားတစ်ယောက် သမီးသုံးယောက် ထွန်းကားခဲ့ပါတယ်။
ဆလ်မာန်အဟ်မဒ်ဆာဟိဘ်၊ အမတွလ်မို့အ်မင်န်ဟီနာဆာဟေဘာ၊ မီနာ
မိုဘာရကာ ဆာဟေဘာ၊ အမတွလ်ဆမီးအ်ဆာဟေဘာ တို့ဖြစ်ပါတယ်။
ဆီရာလီယွန်မှာ နေထိုင်ခဲ့တဲ့ ကာလတစ်လျှောက်မှ အတွေ့အကြုံတစ်ချို့ကို
သူ့ရဲ့ဇနီးဖြစ်သူက ပြောပြပါတယ်။ “ဆီရာလီယွန်နိုင်ငံရဲ့ “ဗို”မြို့က အဟ်မဒီယာ
ကျောင်းမှာ သိပ္ပံအဆောက်အအုံသစ်တစ်ခု ပထမဆုံး တည်ဆောက်ဖွင့်လှစ်
နိုင်ခဲ့ပါတယ်။ သူဟာ ထိုအဆောက်အဦးတည်ဆောက်မှုမှာ တစ်နေကုန်
မနေမနားဘဲ စောင့်ကြပ်ကြည့်ရှုခဲ့ပါတယ်။”
ကမရ်ဆူလိုင်မာန်ဆာဟိဘ်က ဆီရာလီယွန်နိုင်ငံသို့ သွားရောက်ခဲ့စဉ်ကလည်း
ဆီရာလီယွန်နိုင်ငံသားတွေဟာ ယခုတိုင် မီရ်ဇာဟနီးဖ်ဆာဟိဘ်ကို သတိတရ
ရှိနေကြကြောင်း ပြောပါတယ်။ သူဟာ မိဘမဲ့တွေကို ပြုစုပျိုးထောင်ပေးပြီး၊
ဆင်းရဲနွမ်းပါးသူတွေကို ဘယ်သူမှမသိစေဘဲ အကူအညီပေးလေ့ရှိပါတယ်။
မိတ်ဆွေအပေါင်းအသင်းတွေကို ဂရုတစိုက်ရှိပြီး ခင်မင်မှုကို မပြတ်မတောက်
အောင် ထိန်းသိမ်းတတ်သူဖြစ်ပါတယ်။ မိမိရဲ့အလွန်ခင်မင်ရတဲ့ မိတ်ဆွေတစ်ဦး
ကွယ်လွန်သွားတဲ့အခါ သူတို့ကျန်ရစ်ခဲ့တဲ့ သားသမီးငယ်လေးတွေကို
အလွန်ဂရုတစိုက်ရှိပြီး သူတို့ကို အိမ်ထောင်ချထားပေးတဲ့အထိ စောင့်ရှောက်
တတ်ပါတယ်။ ဒီလိုအားဖြင့် သူဟာ ခင်မင်မှုသံယောဇဉ်ကို အလွန်စောင့်ထိန်း
သူတစ်ယောက်ဖြစ်ပါတယ်။
မွတ်စ်လေမော်အူးဒ်(W)ရဲ့ သားသမီးတွေထဲမှာ ဖာရစီဘာသာစကား၌ သူဟာ
အထူးချွန်ဆုံးဖြစ်ပါတယ်။ မဆီဟ်မော်အူးဒ်(ဌ)သခင်ကြီးရဲ့ ကျမ်းစာအုပ်တွေ
ကို နက်နက်ရှိုင်းရှိုင်းလေ့လာသူ ဖြစ်ပါတယ်။ ဒီလိုကြောင့်လည်း သူဟာ
“မဆီဟ်မော်အူးဒ်(ဌ)ပေးခဲ့သော ကုရ်အာန်အသိပညာ”ဆိုတဲ့ စာအုပ်ကို
ရေးသားနိုင်ခဲ့ခြင်း ဖြစ်ပါတယ်။

 မဆီဟ်မော်အူးဒ်(ဌ)သခင်ကြီးရဲ့ ကျမ်းစာအုပ်တွေကို သူဟာ အကြိမ် ၂၀
လောက် ဖတ်ရှုထားခဲ့တယ်လို့ သူ့ရဲ့ ဇနီးကရော၊ သူကိုယ်တိုင်ကပါ
ပြောပြဖူးပါတယ်။ သူဟာ ကာဒီယာန်ကိုလည်း အလွန် ချစ်ခင်သူ ဖြစ်ပါတယ်။
လွန်ခဲ့တဲ့ ၄ နှစ်ခန့်ကတည်းက မကျန်းမမာဖြစ်နေခဲ့သော်လည်းပဲ ပြီးခဲ့တဲ့ ၂
နှစ်ဆက်တိုက် ကာဒီယာန်ဂျလ်ဆာကို တက်ရောက်ခဲ့ပါတယ်။ ဒိုအာကိုလည်း
စွဲမြဲစွာယုံကြည်မှုရှိသူဖြစ်ပါတယ်။ သမီးတစ်ဦးက ပြောပြပါတယ်။ “အဖေဟာ
ဆွဟာဘာတစ်ဦးရဲ့ ဖြစ်ရပ်ကို ပြောပြပါတယ်။ ထိုဆွဟာဘာကြီးက သူ့ရဲ့
ဝိညာဉ်ရေး အဆင့်အတန်းတွေ တိုးမြင့်လာတာကို အိပ်မက်မှာ တွေ့ခဲ့ရတယ်။
ဆွဟာဘာကြီးက မိမိမှာလည်း ဒီလိုဖြစ်ရအောင် ပြောစမှတ်ပြုလောက်တဲ့
ကောင်းမှုလည်းမရှိပါဘူး၊ ဘယ်လိုဖြစ်တာလဲလို့မေးတော့ သူ ကြားလိုက်ရတာ
က- အသင် ထားရစ်ခဲ့တဲ့ သားသမီးတွေက အချိန်တိုင်းမှာ အသင့်အတွက်
ဒိုအာပြုလုပ်လျက်ရှိကြတယ်။ ဒီလိုကြောင့် အသင့်ရဲ့ အဆင့်အတန်းဟာ
တိုးမြင့်သွားနေရခြင်း ဖြစ်တယ်။ ဒါကို ပြောပြလျက် အဖေက သားသမီးတွေကို
မိမိအတွက်လည်း ဒိုအာ ဆုတောင်းပေးနေကြဖို့ မှာကြားသွားပါတယ်။”
အလ္လာဟ်အရှင်မြတ်သည် သူ့ရဲ့ သားသမီးတွေကို ထိုသည့်ကောင်းမှုများပေါ်၌
တည်တံ့စေနိုင်ဖို့ စွမ်းအားပေးတော်မူပါစေ။ မွတ်စ်လေမော်အူးဒ်(W)
သခင်ကြီးက မိမိရဲ့ သားသမီးများ၊ ဂျမာအတ်သားများထံမှာ မြင်တွေ့လိုခဲ့တဲ့
ကောင်းမှုများပေါ်၌ သူတို့ကို ရပ်တည်နိုင်ရန် စွမ်းအားပေးတော်မူပါစေ။
ဒါ့အပြင် သူ့ရဲ့ သားသမီးတွေ၊ မဆီဟ်မော်အူးဒ်(ဌ)သခင်ကြီးရဲ့ သားမြေး
အားလုံး၊ ဂျမာအတ်သားအားလုံးဟာ  ဒီ ဒိုအာဆုတောင်းနှင့် ထိုက်တန်သူတွေ
ဖြစ်ကြပါစေ။
မွတ်စ်လေမော်အူးဒ်(W)သခင်က မိမိရဲ့ သားသမီးတွေနဲ့စပ်လျဉ်းလို့ ယခုလို
ဒိုအာဆုတောင်းပြုခဲ့ပါတယ်။ “သူတို့ရဲ့ အဆက်အနွယ်တွေကို အရှင်မြတ်ထံတွင်
ကမ္ဘာတည်သရွေ့အပ်နှံပါ၏။ သူတို့အတွင်း၌ ရှိုင်တာန်သည်
ဖျက်ဆီးဝင်ရောက်မှု မပြုနိုင်ပါစေနှင့်။ သူတို့အားလုံးသည် သာသနာရေးကို
လောကီရေးထက် ဦးစားပေးသူတွေ ဖြစ်ကြပါစေ။”

 အလ္လာဟ်အရှင်မြတ်သည် ကွယ်လွန်သူ မီရ်ဇာဟနီးဖ်အဟ်မဒ်ဆာဟိဘ်အား
ခွင့်လွှတ်ခြင်း၊ သနားကြင်နာခြင်းတို့ဖြင့် ဆက်ဆံတော်မူပါစေ။ သူ့ရဲ့
အဆင့်အတန်းကို မြှင့်တင်ပေးတော်မူပါစေ။ သူ့ရဲ့ သားသမီးတွေကိုလည်း
မဆီဟ်မော်အူးဒ်(ဌ)နှင့် မွတ်စ်လေမော်အူးဒ်(W)သခင်တို့နှင့် သွေးသား
တော်စပ်မှုအရ တင်ရှိလာတဲ့ တာဝန်များကို ကျေပွန်သူတွေဖြစ်အောင် စွမ်းအား
ပေးသနားတော်မူပါစေ။ သူဟာ ကျွန်တော်နဲ့လည်း အလွန်ရင်းနှီးမှု ရှိခဲ့ပါတယ်။
ခလီဖာမဖြစ်ခင်ကလည်းရှိခဲ့သလို ခလီဖာဖြစ်ပြီးနောက်မှာတော့ ကျွန်တော့်
အပေါ် သူ့ရဲ့ ချစ်ခင်မှုဟာ အလွန်မြင့်မားခဲ့ပါတယ်။ ဒါ့အပြင် ကျိုးနွံနှိမ့်ချမှု၊
ဖြူစင်မှုသဒ္ဓါတရားနှင့် သစ္စာစောင့်သိမှုတို့ကို အနှိုင်းမဲ့တည်ဆောက်ပြသခဲ့သူ
ဖြစ်ပါတယ်။ အလ္လာဟ်အရှင်မြတ်သည် သူ့ရဲ့အဆင့်အတန်းကို မြှင့်တင်ပေး
တော်မူပါစေ။ သူ့ရဲ့သားသမီးတွေကိုလည်း ခေလာဖတ်နှင့် ထူးခြားစွာ
ဆက်နွယ်မှုထားရှိနိုင်အောင် အရှင်မြတ်စွမ်းအားပေးတော်မူပါစေ။ -အာမီးန်-

Posted in: Friday Sermons , မီရ်ဇာမဆ်ရူးရ်အဟ်မဒ် , သောကြာမိန့်ခွန်းများ